ഈ വേനൽക്കാലത്തു ഓറഞ്ച് വാങ്ങിയാൽ രണ്ടുണ്ട് കാര്യം; ദാഹവും മാറ്റാം സൗന്ദര്യവും കൂട്ടാം. ഓറഞ്ചിന് ഇത് രണ്ടിനും ഉള്ള കഴിവുണ്ട്. ഇതിന്റെ ഗുണവശങ്ങളെക്കുറിച്ചു അധികമൊന്നും ചിന്തിക്കാതെയാണ് നമ്മൾ ഇത് ഉപയോഗിക്കുന്നത്. ജലാംശം ധാരാളം അടങ്ങിയിരിക്കുന്ന ഒന്നാണല്ലോ ഓറഞ്ച്; അതുകൊണ്ടു തന്നെ വേനൽക്കാലത്തു നമ്മൾ

ഏറെയും ആശ്രയിക്കുന്നത് ഓറഞ്ചിനെയാണ് എന്നത് ഇതിന്റെ മാറ്റ് കൂട്ടുന്നു.
ദാഹവും ക്ഷീണവും മാറ്റുന്നത് പോലെ തന്നെ കിഡ്‌നിയിൽ കല്ലുണ്ടാകുന്നത് തടയാൻ ഓറഞ്ചിന് കഴിയും. ബ്ലഡ് പ്രഷർ കുറക്കാനും രക്തത്തിലെ ഹീമോഗ്ലോബിന്റെ അളവ് വർധിപ്പിക്കാനും രക്തത്തെ ശുദ്ധീകരിക്കാനും ഓറഞ്ച് നമ്മെ സഹായിക്കുന്നു.

നിത്യേന ഓറഞ്ച് ശീലമാക്കിയാൽ ശരീരത്തിന് അകത്തും പുറത്തുമുണ്ടാകുന്ന അലര്ജിയെ തടയാൻ സാധിക്കും. അതുകൊണ്ട് തന്നെ ആസ്ത്മ ഉള്ളവർക്ക് ഭയം കൂടാതെ കഴിക്കാൻ പറ്റിയതും ഓറഞ്ച് തന്നെയാണ്. ഓറഞ്ചിന്റെ തൊലി ഭക്ഷണമാക്കിയാൽ ശരീരത്തിലെ കൊളസ്‌ട്രോളിന്റെ അളവ് നിയന്ത്രിക്കാൻ കഴിയും.

സൗന്ദര്യ സംരക്ഷണത്തിന്റെ കാര്യത്തിലും ഓറഞ്ചിന്റെ ഓറഞ്ചിന് അനന്ത സാധ്യതയാണ്. ഓറഞ്ച് ഉപയോഗിച്ചുള്ള ഫേഷ്യല്‍ മസാജ് ചെയ്താൽ വെയിലത്ത് ഇറങ്ങി നടക്കുന്നത് മൂലം ചര്‍മ്മത്തിലുണ്ടാകുന്ന കറുത്ത പാടുകള്‍ മാറ്റാൻ കഴിയും. ഇതിനുവേണ്ടി ഓറഞ്ചിന്റെ തൊലി ഉണക്കി പൊടിച്ചു പനിനീരിൽ ചേർത്ത് പുരട്ടണം.

വിറ്റാമിൻ സി ധാരാളം അടങ്ങിയിട്ടുള്ളതുകൊണ്ടു തന്നെ ഇതിന്റെ ജ്യൂസ് തൊലിപ്പുറത്തു പുരട്ടുന്നതും ആരോഗ്യത്തിന് ഗുണം ചെയ്യും. ഓറഞ്ച് രണ്ടായി മുറിച്ച് അതുപയോഗിച്ച് മുഖം മസാജ് ചെയ്യുക. 15 മിനിറ്റിന് ശേഷം തണുത്ത വെള്ളത്തില്‍ മുഖം കഴുകിയാല്‍ ചര്‍മ്മത്തിലെ അഴുക്കെല്ലാം നീങ്ങി മുഖചര്‍മ്മം ആരോഗ്യവും തിളക്കവും ഉള്ളതാകും. ഓറഞ്ചിന്റെ തൊലിയും തൈരും കൂടി മിക്സ് ചെയ്ത് മുഖത്തു പുരട്ടിയാൽ നിറം വർധിക്കും എന്ന് തെളിഞ്ഞിട്ടുണ്ട്.