ഗ്രില്ഡ് ചിക്കന് സ്ഥിരമായി വേണ്ട ..പ്രത്യേകിച്ച് പുരുഷന്മാർക്ക്
ഗ്രില്ഡ് ചിക്കന് ഇന്നത്തെ തലമുറയുടെ ഇഷ്ടഭക്ഷണങ്ങളില് ഒന്നാണ്. കനലില് ചുട്ടെടുക്കുന്നതുകൊണ്ട്, എണ്ണയില് വറുക്കാത്തതുകൊണ്ടും ഗ്രില്ഡ് ചിക്കനു പ്രിയമേറും .
ഗ്രില്ഡ് ചിക്കന് വിഭവങ്ങള് വൃക്കയിലുണ്ടാകുന്ന അര്ബുദത്തിന് കാരണമാകുമെന്ന് പുതിയ പഠനങ്ങള് കണ്ടെത്തിയിരിക്കുന്നു. ഉയര്ന്ന താപനിലയില് തീയില്വെച്ച് നേരിട്ട് പാചകം ചെയ്യുന്ന മാംസ വിഭവങ്ങളും ഇത് പാചകം ചെയ്യാനുപയോഗിക്കുന്ന മറ്റ് വസ്തുക്കളും കിഡ്നിയെ പ്രതികൂലമായി ബാധിക്കും.
ഗ്രില്ഡ് ചിക്കന് പോലെയുള്ളവ സ്ഥിരമായി കഴിച്ചാല്, ഗില്ലന്ബാര് സിന്ഡ്രോം(ജിബിഎസ്) എന്ന തരത്തിലുള്ള പക്ഷാഘാതം വരാനുള്ള സാധ്യതയും വളരെ കൂടുതലാണ്. പൂര്ണമായും വേവാത്തതരം ഭക്ഷണമാണ് ഇത് എന്നതാണ് പ്രധാന കാരണം. രോഗപ്രതിരോധശേഷി നശിപ്പിച്ച്, പേശികളും മറ്റും തളര്ത്തി, കിടപ്പിലായി പോകുന്നതരത്തിലുള്ള ആരോഗ്യപ്രശ്നമാണ് ഗില്ലന്ബാര് സിന്ഡ്രോം ശരീരത്തില് ഉണ്ടാക്കുന്നത്.
സ്ത്രീകളേക്കാള് ചിക്കന്റെ ദോഷഫലങ്ങള് പുരുഷനെയാണ് ബാധിയ്ക്കുന്നത് . അമേരിക്ക അടക്കമുള്ള രാജ്യങ്ങളില് പ്രായപൂര്ത്തിയായവരില് റീനല് സെല് കാര്സിനോമ എന്ന അര്ബുദരൂപം വളരെ വലിയതോതില് വ്യാപകമാവുന്നതായാണ് കണ്ടെത്തിയിരിക്കുന്നത്. ഫാസ്റ്റ് ഫുഡ് അടക്കമുള്ളവയുടെ ഉപയോഗമാണ് ഇതിന് പ്രധാന കാരണമെന്ന കണ്ടെത്തലിലാണ് അമേരിക്കയിലെ ടെക്സാസ് സര്വകലാശാലയിലെ ഗവേഷകര്. ഗ്രില്ഡ് ചിക്കന് സ്ഥിരമായി കഴിയ്ക്കുന്നത് പ്രോസ്റ്റേറ്റ് ക്യാന്സറിനെ കാരണമാകും.
കൊളസ്ട്രോള് ഇന്നത്തെ ഭക്ഷണരീതിയുടെ സംഭാവനയാണ് എന്ന കാര്യത്തില് സംശയം വേണ്ട. ധമനികളില് കൊഴുപ്പ് അടിഞ്ഞു കൂടാനും ഹൃദയാഘാത പ്രശ്നങ്ങള് ഉണ്ടാവാനും ഇത് കാരണമാകും
അല്ഷിമേഴ്സ്, പുരുഷന്റെ പ്രത്യുത്പാദന ശേഷി കുറയുന്നത്, ധമനികളില് ബ്ലോക്ക് എന്നിവയും ഗ്രിൽഡ് ചിക്കെന്റെ ദോഷ വശങ്ങളിൽ പെടുന്നു.
ഭക്ഷ്യവിഷബാധ ഏറ്റവും കൂടുതല് ബാധിയ്ക്കുന്നതും ഗ്രില്ഡ് ചിക്കന് പോലുള്ള ഭക്ഷണങ്ങള് കഴിയ്ക്കുന്നവരെയാണ്
https://www.facebook.com/Malayalivartha
