ഹൃദ്രോഗങ്ങളെ ചെറുക്കാന് ആല്മണ്ട് അഥവാ ബദാമിന് കഴിയും എന്ന് പഠനങ്ങൾ പറയുന്നു
മാറി വരുന്ന ജീവിതശൈലികള് സൃഷ്ടിക്കുന്ന പ്രശനങ്ങള് വളരെ ഏറെയാണ് . എന്നാല് അതില് മുന്പന്തിയില് നില്ക്കുന്ന ഒന്നാണ് ഹൃദ്രോഗ പ്രശ്നങ്ങള്. നിരവധി ആളുകളാണ് ഇന്ന് ഹൃദ്രോഗ പ്രശ്നങ്ങള് നേരിട്ടുകൊണ്ടിരിക്കുന്നത് . പ്രായഭേദമന്യേയാണ് ഇത് കാണപ്പെടുന്നതും. ജീവിതശൈലി മാറ്റത്തെ കൂടാതെ പാരമ്പര്യമായും ഹൃദ്രോഗം വരാം. എന്നാല് പോഷക സാധ്യതകള് ഉപയോഗപ്പെടുത്തിയുള്ള കൃത്യമായ ആഹാരക്രമത്തിലൂടെ രോഗസാധ്യതകള് കുറയ്ക്കാന് സാധിക്കുന്നുവെന്നാണ് വിദഗ്ധര് പഠനത്തിലൂടെ പറയുന്നത്.ആഹാരക്രമീകരണങ്ങൾ ശരിയല്ലാത്തതാണ് പ്രധാന കാരണം .
അത്തരത്തിലൊരു പഠനത്തിലൂടെ പറയുന്നത് ഹൃദ്രോഗങ്ങളെ ചെറുക്കാന് ആല്മണ്ട് അഥവാ ബദാമിന് കഴിയും എന്നാണ് . ശരീരത്തിലുണ്ടാകുന്ന കൊഴുപ്പാണ് ഹൃദ്രോഗ സാധ്യതകള് വര്ധിക്കാനുള്ള പ്രധാന കാരണം. ഇത്തരം കൊഴുപ്പിനെ ഇല്ലാതാക്കാന് ബദാമിന് കഴിയുമെന്നാണ് പുതിയ പഠനങ്ങളിൽ പറയുന്നത് . ഇവരുടെ പഠനത്തില് നിന്നാണ് ബദാമിന് ശരീരത്തിലെ ചീത്ത കൊളസ്ട്രോളിനെ ഇല്ലാതാക്കി രക്തത്തിലെ ഹൃദയാരോഗ്യത്തിന് ആവശ്യമായ ഘടകങ്ങളെ നിലനിര്ത്താന് കഴിയുമെന്ന് കണ്ടെത്തിയിരിക്കുന്നത്.
ഈ പഠനങ്ങളുടെ അടിസ്ഥാനത്തില് ദിവസം 45 ഗ്രാം ബദാം കഴിക്കുന്നത് ഹൃദയാരോഗ്യത്തെ മെച്ചപ്പെടുത്താന് സഹായിക്കുന്നു. പ്രായഭേദമന്യേ എല്ലാവര്ക്കും ബദാം കഴിക്കാന് കഴിയുമെന്നത് ഹൃദ്രോഗത്തിന്റെ സാധ്യതകള് കുറയ്ക്കാന് സഹായിക്കുന്നു.
എന്നാല് ബദാം എങ്ങനെ കഴിക്കുമെന്ന കാര്യത്തില് പലര്ക്കിടയിലും ആശങ്കകള് നിലനില്ക്കുന്നുണ്ട്. ബദാം കുതിര്ത്ത് കഴിക്കുന്നത് വിറ്റാമിന് ഇ യുടെ അളവ് ശരീരത്തില് വര്ധിപ്പിക്കുന്നതിന് സഹായിക്കുന്നു. ആയതിനാല് ഇവ ആഹാരക്രമത്തിന്റെ ഭാഗമാക്കി മാറ്റുന്നത് ഹൃദയസംരക്ഷണത്തിന് സഹായകമാകും.
കൊളസ്ട്രോൾ കുറച്ച് ഹൃദയത്തെ കാക്കാൻ ബദാം പതിവായി കഴിക്കാം. ഇതിലടങ്ങിയിരിക്കുന്ന വൈറ്റമിൻ ബി17, കെ എന്നവ കൊഴുപ്പിനെ അകറ്റി ഹൃദ്രോഗത്തെ തടയുന്നു.
https://www.facebook.com/Malayalivartha
