പെട്ടെന്ന് മസിൽ പവർ നേടാൻ .....
പുരുഷനെ സംബന്ധിച്ചിടത്തോളം മസില് പവര് പ്രധാനമാണ്. പുരുഷത്വത്തിന്റെ ലക്ഷണമാണ് ഇതെന്നു പറയാം. ശരീരസംബന്ധമായ പുരുഷന്മാരുടെ വലിയൊരു സ്വപ്നം തന്നെയാണ് മസിലുകളെന്നും പറയാം. മസിലുകള്ക്ക് അടിസ്ഥാനമായ പല ഘടകങ്ങളുമുണ്ട്. പ്രധാനമായും ടെസ്റ്റോസ്റ്റിറോണ് ഹോര്മോണുകളാണ് മസിലുകള്ക്ക് കാരണമാകുന്നത്. മസിലുകളുണ്ടാകാന് ഇത് അത്യാവശ്യമാണെന്നര്ത്ഥം. ഇതല്ലാതെ നല്ല ഭക്ഷണവും കൊഴുപ്പില്ലാത്ത ശരീരവും വ്യായാമവുമെല്ലാം ഇതിന് ഏറെ പ്രധാനമാണ്. മസില് ഉണ്ടാക്കുന്നതും അവയുടെ വലുപ്പം വര്ദ്ധിപ്പിക്കുന്നതും ബോഡി ബില്ഡിംഗില് വളരെ പ്രധാനപ്പെട്ട കാര്യങ്ങളാണ്.
ഇതിന് ശരിയായ രീതിയിലുള്ള ആഹാരശീലങ്ങളും വ്യായാമവും കൂടിയേതീരൂ. രണ്ടോ മൂന്നോ ദിവസം വ്യായാമം ചെയ്യുകയും നന്നായി ആഹാരം കഴിക്കുകയും ചെയ്തത് കൊണ്ട് മസിലുകള് ഉണ്ടാകില്ല. അതിനാല് ഉദ്ദേശിക്കുന്ന രീതിയില് മസിലുകള് രൂപപ്പെടുത്തണമെങ്കില് നല്ല ക്ഷമയും ആവശ്യമാണ്.
മസില് വളര്ത്താന് സഹായിക്കുന്നവര്ക്കു പറ്റിയ ഡയറ്റു തന്നെയുണ്ട്. ചില പ്രത്യേക ഭക്ഷണവസ്തുക്കള് മസിലുകള് വളരാന് ഏറെ നല്ലതാണ്. സിങ്ക് അടങ്ങിയ ഭക്ഷണ വസ്തുക്കള് പ്രധാനം. കാരണം ഇവ ടെസ്റ്റോസ്റ്റിറോണ് ഉല്പാദനത്തിനു സഹായിക്കും. ഇതുപോലെ പ്രോട്ടീന് അടങ്ങിയ ഭക്ഷണങ്ങളും മസില് വളര്ച്ചയ്ക്കു പ്രധാനപ്പെട്ട ഒന്നാണ്.
ഇതുപോലെ ചില പ്രത്യേക വ്യായാമങ്ങളും മസില് വളര്ച്ചയ്ക്ക് ഏറെ നല്ലതാണ്. വെയ്റ്റ് ലിഫ്റ്റിംഗ് പോലുള്ളവ പ്രത്യേകിച്ചും. ശരീരത്തിന്റെ ഓരോ ഭാഗത്തും മസിലുകളുണ്ടാകാന് സഹായിക്കുന്ന വ്യത്യസ്ത വിധത്തിലെ വ്യായാമങ്ങളുണ്ട്. മസില് വളര്ത്താന് അടിസ്ഥാനപരമായ വേണ്ട ചില കാര്യങ്ങളെക്കുറിച്ചറിയൂ, എങ്ങനെ പെട്ടെന്നു തന്നെ മസില് വളര്ത്താമെന്നറിയൂ,
ബോഡി ബില്ഡിംഗും മസില് ബില്ഡിംഗും ചെയ്യുന്നവര് ദിവസം മുഴുവന് ധാരാളം വെള്ളം കുടിക്കേണ്ടത് ആവശ്യമാണ്. വ്യായാമം ചെയ്യുമ്പോള് ക്ഷീണം അനുഭവപ്പെടാതിരിക്കണമെങ്കില് ധാരാളം വെള്ളം കുടിക്കേണ്ടതാണ്. വ്യായാമം ചെയ്യുമ്പോഴും 10-20 മിനിറ്റ് ഇടവിട്ട് വെള്ളം കുടിക്കുക. നിര്ജ്ജലീകരണം മൂലം ശരീരത്തിന് ഉണ്ടാകാന് ഇടയുള്ള പ്രശ്നങ്ങള് തടയാന് ഇത് സഹായിക്കും
ദോഷകരമല്ലാത്ത കൊഴുപ്പ് അടങ്ങിയിട്ടുള്ള നട്സ്, മീന് എന്നിവ ധാരാളം കഴിക്കുക. ഇവ നിങ്ങള്ക്ക് ആവശ്യമുള്ള ഊര്ജ്ജം പ്രദാനം ചെയ്യും
ഗ്ലൂട്ടമിന് അടങ്ങിയ ഭക്ഷണവും ശരീരത്തിനും മസിലുകള്ക്കും നല്ലതാണ്. ഗ്ലൂട്ടമിനിലെ അമിനോ ആസിഡുകള് ഉറച്ച മസിലുകളുണ്ടാകാന് സഹായിക്കും. ക്യാബേജ്, ചുവന്ന ചീര, പാലുല്പ്പന്നങ്ങള്, ബീഫ്, ചിക്കന്, പോര്ക്ക്, മീന് എന്നിവ നല്ലതാണ്.
വെയിറ്റ് ട്രെയിനിംഗ് പോലുള്ള വ്യായാമങ്ങള് ചെയ്യുമ്പോഴും ശരീരത്തിന്റെ അധ്വാനം വര്ദ്ധിക്കുമ്പോഴും നിശ്ചിത അളവില് പ്രോട്ടീന് ശരീരത്തില് എത്തേണ്ടതുണ്ട്. എങ്കില് മാത്രമേ പേശികളുടെ വളര്ച്ച ഉറപ്പുവരുത്താനും കേടുപാടുകള് തീര്ക്കാനും കഴിയൂ. ശരീരത്തിലെത്തുന്ന പ്രോട്ടീന് അമിനോആസിഡുകളായി വിഘടിപ്പിക്കപ്പെടും. വ്യായാമം ചെയ്യുമ്പോള് ശരീരം ഇത് ഉപയോഗിക്കും.
കൊഴുപ്പ് ശരീരത്തില് നിന്നും കളയുക. ഇത് മസില് വരാന് ഏറെ പ്രധാനമാണ്. ഇത് ആരോഗ്യത്തിനും നല്ലതാണ്. കൊളസ്ട്രോള് വരാതിരിയ്ക്കാനും ഇത് നല്ലതാണ്.
https://www.facebook.com/Malayalivartha