വീടുകളിലും പാമ്പ് വരാതിരിക്കാൻ ചില കാര്യങ്ങൾ ശ്രദ്ധിക്കേണ്ടതായിട്ടുണ്ട്. അത് ഇതൊക്കെയാണ്; വീടിന്റെ ചുറ്റുപ്പാടുമായി ഉയര്‍ന്ന് നില്‍ക്കുന്ന ഭാഗങ്ങളില്‍ പാഴ് ചെടികള്‍ ഉണ്ടെങ്കില്‍ ഉടൻ തന്നെ അവയെ വെട്ടിക്കളയുന്നതാണ് നല്ലത്. എലികള്‍ മാളം തുരന്നിട്ടുണ്ടെങ്കില്‍ അതിനെയും ഉടൻ തന്നെ മൂടണം. പാമ്പ് വരാത്ത തരത്തിൽ മതില്‍, വേലി എന്നിവ ഉണ്ടാക്കുക. ചാക്ക് , തടി തുടങ്ങിയ പാഴ് വസ്തുക്കള്‍ വീട്ടില്‍ കൂട്ടിയിടുന്ന സ്വഭാവം ഒഴിവാക്കുക. ഭക്ഷ്യ അവശിഷ്ടങ്ങള്‍ കഴിവതും പുറത്ത് കളയുന്നതാണ് നല്ലത്. ഇത് ആഹാരം തേടിയും പാമ്പുകളെത്താനുള്ള സാധ്യത തള്ളികളയാനാകില്ല.

വീട്ടിലെ സാധനങ്ങള്‍ കൂട്ടിയിടുന്ന സ്ഥലങ്ങളിൽ പ്രാണികളെ തുരത്തുന്ന ഗുളികകള്‍ ഉപയോഗിക്കുക. സ്റ്റോര്‍ റൂം പോലുള്ള സ്ഥലങ്ങളില്‍ വെളുത്തുള്ളി മുറിച്ച് അല്ലികള്‍ ഇടുന്നത് നല്ലതാണ്. ഇത്തരം മുറികളില്‍ ചെറിയ സുഷിരമോ വിള്ളലോ ഉണ്ടെങ്കില്‍ അതും അടയ്ക്കണം. കരിയില, മരക്കഷ്ണം, തൊണ്ട്, പൊട്ടിയ പ്ലാസ്റ്റിക് ഉത്പന്നങ്ങള്‍ വൈക്കോല്‍ എന്നിവയിൽ പാമ്പിന് കയറി ഇരിക്കാന്‍ കഴിയുന്ന വസ്തുക്കളാണ് ഇവയെല്ലാം തന്നെ മാറ്റുക. ചില ചെടികള്‍ പാമ്പിന് പതുങ്ങിയിരിക്കാന്‍ സൗകര്യമൊരുക്കുന്നതാണ്. യഥാസമയം വെട്ടിയൊതുക്കി വീടും പരിസരവും വൃത്തിയായി സൂക്ഷിക്കാൻ മറക്കരുത്.

വളര്‍ത്തുമൃഗങ്ങള്‍ ഉള്ള സ്ഥലങ്ങള്‍ പാമ്പുകളെ വല്ലാതെ ആകര്‍ഷിക്കാറുണ്ട്. പട്ടിക്കൂട്, കോഴിക്കൂട് തുടങ്ങിയവയുടെ സമീപം പാമ്പുകള്‍ വരുന്നത് സാധാരണയാണ്. വളര്‍ത്തു മൃഗങ്ങളുടെ കൂടും പരിസരവും പരമാവധി വൃത്തിയായി സൂക്ഷിക്കുക. വീട്ടില്‍ പാമ്പു വന്നാല്‍ വെളുത്തുള്ളി ചതച്ചിട്ടാൽ അവ ഓടി പോകും. മണ്ണെണ്ണ ഒഴിച്ചാലും അവ പോകുന്നതാണ്. ഇവയൊക്കെ പ്രതിവിധികളാണ്.