നിലക്കടല പോഷകസമൃദ്ധമാണെന്ന് എല്ലാവര്‍ക്കുമറിയാം. അതിന് ആയുസ്സ് കൂട്ടാനുള്ള കഴിവു കൂടിയുണ്ടെങ്കിലോ പുതിയ പഠനങ്ങളില്‍ തെളിയുന്നത് അതാണ്.ദിവസവും 10 ഗ്രാം നിലക്കടല കഴിച്ചാല്‍ ആയുസ്സ് കൂടുമെന്നാണ് നെതര്‍ലന്റിലെ മാസ്ട്രിറ്റ് സര്‍വകലാശാലയിലെ വിദഗ്ദ്ധര്‍ പറയുന്നത്.

1986 മുതല്‍ സര്‍വകലാശാല ഇതുമായി ബന്ധപ്പെട്ട പഠനത്തിലായിരുന്നു. 55 നും 69നും ഇടയില്‍ പ്രായമുള്ള 1,20,000 പേരെ ഉള്‍പ്പെടുത്തിയാണ് പഠനം നടത്തിയത്. സ്ത്രീകള്‍ക്കും പുരുഷന്മാര്‍ക്കും ഓരേ പോലെ ഉത്തമമാണ് നിലക്കടല . ഇത് സ്ഥിരമായി കഴിച്ചാല്‍ മരണനിരക്ക് കുറയ്ക്കാനാകുമെന്നും സര്‍വകലാശാലയിലെ പ്രോജക്ട് തലവന്‍ പ്രൊഫപിയറ്റ് വാന്‍ ഡെന്‍ ബ്രാന്‍ഡിറ്റ് പറഞ്ഞു.

അര്‍ബുദം, പ്രമേഹം, ശ്വാസകോശ രോഗങ്ങള്‍ എന്നിവ പിടിപെടാനുള്ള സാധ്യത കുറയ്ക്കാന്‍ നിലക്കടലയ്ക്കാവുമെന്നാണ് പഠനത്തില്‍ കണ്ടെത്തിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha