ഭക്ഷണസാധനങ്ങള്‍ കേടുവരാതിരിക്കാന്‍ ശീതീകരിച്ചു സൂക്ഷിക്കുന്നത് നല്ല ഉപായമാണെന്നു നമുക്കെല്ലാം അറിയാം. എന്നാല്‍ ഭക്ഷണ പദാര്‍ത്ഥങ്ങളുടെയും കാര്യത്തില്‍ ഈ ധാരണ ശരിയല്ല. ചിലത് ശീതീകരിക്കുന്നത് ഭക്ഷണ സാധനങ്ങള്‍ കേടു വരുന്നതിനും കഴിക്കുന്നവരുടെ ആരോഗ്യത്തിനു ഹാനികരവുമായി തീരുന്നുണ്ട്. നമ്മള്‍ നിരന്തരം ഉപയോഗിക്കുന്ന അത്തരം ചില ഭക്ഷണ സാധനങ്ങള്‍ ചുവടെ:
ഉള്ളി

ഉള്ളി ശീതീകിച്ചു കഴിഞ്ഞാല്‍ പളകിയ പോലെയും മൃദുവായും മാറുന്നു. അതുകൊണ്ട് തന്നെ ഇത് തണുത്തതും ഉണങ്ങിയതും ആയിട്ടുള്ള സ്ഥലത്ത് മറ്റു പച്ചക്കറികളില്‍ നിന്നു മാറ്റി സൂക്ഷിക്കേണ്ടതാണ്.
വാഴപ്പഴം

പാകമായ വാഴപ്പഴത്തിന് നല്ല സ്വാദാണ്. പെട്ടെന്നു കേടുവരുന്നതിനാല്‍ ചിലരിത് ഫ്രിഡ്ജില്‍ സൂക്ഷിക്കുന്നതായി കണ്ടുവരാറുണ്ട്. എന്നാല്‍ ഇത് ശീതീകരിക്കപ്പെട്ടാല്‍ പാകം വരാതിരിക്കുകയും ഇതിലെ പൊട്ടാസ്യത്തിന്റെ അളവ് കുറഞ്ഞു പോവുകയും ചെയ്യുന്നു. അതുകൊണ്ട് തന്നെ വാഴപ്പഴം എപ്പോഴും അന്തരീക്ഷ താപനിലയില്‍ തന്നെ സൂക്ഷിക്കണം.
ഉരുളക്കിഴങ്ങ്

ഉരുളക്കിഴങ്ങ് ഒരു കാരണവശാലും ശീതീകരിക്കാന്‍ പാടില്ല. കാരണം ശീതീകരിക്കപ്പെട്ടാല്‍ ഇതില്‍ അടങ്ങിയിരിക്കുന്ന അന്നജം പഞ്ചസാരയായി പെട്ടെന്നു തന്നെ മാറുന്നു. ഇത് പേപ്പര്‍ ബാഗുകല്‍ അന്തരീക്ഷ ഊഷ്മാവില്‍ തന്നെ സൂക്ഷിക്കുന്നതാണ് അനുയോജ്യം.
തക്കാളി

മിക്ക വീടുകളിലും തക്കാളി സൂക്ഷിക്കുന്നത് ഫ്രിഡ്ജിനകത്താണ്. എന്നാല്‍ തക്കാളി ശീതീകരിച്ചു സൂക്ഷിക്കുന്നതിലൂടെ അതിന്റെ ഗുണങ്ങള്‍ നഷ്ടപ്പെടുമെന്നതാണ് യാഥാര്‍ത്ഥ്യം. തക്കാളി ശീതീകരിക്കുന്നതിലൂടെ അതില്‍ ഫംഗല്‍ ബാധ ഉണ്ടാവുകയും ഉപയോഗ ശൂന്യമായ അവസ്ഥയിലാവുകയും ചെയ്യുന്നു.
ഒലീവ് ഓയില്‍

ഒലീവ് എണ്ണ ശീതീകരിക്കപ്പെട്ടാല്‍ അത് വെണ്ണ പോലെ ആകുന്നു. കൂടാതെ ഫ്രിഡ്ജിലെ വെളിച്ചത്തിന്റെ ചൂടും വായുവും മൂലം ഇതില്‍ മനുഷ്യ ശരീരത്തിനു ഹാനികരമായ മൂലധാതു ഉണ്ടാവാന്‍ കാരണമാവുകയും ചെയ്യുന്നു.