ആരോഗ്യസംരക്ഷണം ഇക്കാലത്ത് ഏവരെയും അലട്ടുന്ന ഒന്നാണ്. തിരക്കുകൾക്കൊപ്പമെത്താനുള്ള ഓട്ടത്തിനിടയിൽ ഭക്ഷണം പോലും വേണ്ടെന്നുവെക്കാനുള്ള പ്രവണത കാണുന്നുണ്ട്.അമിതഭാരം, ഹൃദയസബന്ധമായ അസുഖങ്ങള്‍, കൊളസ്‌ട്രോള്‍, പ്രമേഹം തുടങ്ങിയവയ്‌ക്കെല്ലാം ഒരു പ്രധാനകാരണം നമ്മുടെ തെറ്റായ ജീവിത രീതിയാണ് . ഫാസ്റ്റ് ഫുഡ് സമ്പ്രദായം നമ്മിൽ അടിച്ചേൽപ്പിക്കുന്ന വിപത്ത് ചില്ലറയല്ല. കൊളസ്‌ട്രോൾ കൂടുതലടങ്ങിയ ഭക്ഷണങ്ങൾ ശരീരത്തിന് ദോഷം ചെയ്യും .കൂടുതൽ നാരുകളടങ്ങിയ ഭക്ഷണം കഴിക്കാൻ ശ്രദ്ധിക്കണം .
ബുദ്ധി ശക്തിക്കായി മത്സ്യം
ആഴ്ചയില്‍‌ ഒരിക്കലെങ്കിലും കൊഴുപ്പടങ്ങിയ മത്സ്യം കഴിക്കുന്നത് ഉത്തമമാണ്. ഒമേഗ 3 ഫാറ്റി ആസിഡ് അടങ്ങിയ ചെമ്പല്ലി, അയല മത്സ്യങ്ങള്‍ കഴിക്കുന്നത് പ്രായമാകുമ്പോള്‍ ബുദ്ധിയെ ബാധിക്കുന്ന തലച്ചോര്‍ ചുരുങ്ങുന്ന പ്രശ്നം മൂന്നിലൊന്നായി കുറയ്ക്കും.

സ്നാക്സിന് പകരം പഴങ്ങൾ
പഴം, മഞ്ഞനിറത്തിലുള്ള ക്യാപ്‌സിക്കം, ഓറഞ്ച്, ക്യാരറ്റ്, ആപ്രിക്കോട്ട് എന്നിവ ആന്റിഓക്‌സിഡന്റുകള്‍ അടങ്ങിയ ഭക്ഷണങ്ങളാണ്. അസുഖങ്ങളെ ചെറുക്കുന്നതിനു ഇത് സഹായിക്കും. കോളിഫ്‌ളവർ കാബേജ്, ബ്രൊക്കോളി, മുളപ്പിച്ച ധാന്യങ്ങള്‍ എന്നിവയില്‍ ഐസോത്തിയോസൈനേറ്റ്‌സ് എന്നൊരു ഘടകമുണ്ട്. ക്യാന്‍സര്‍ പോലുള്ള രോഗങ്ങള്‍ തടയാന്‍ ഇത്തരം ഭക്ഷണങ്ങള്‍ വളരെയധികം സഹായിക്കും. വൈറ്റമിന്‍ ഇ അടങ്ങിയ ഭക്ഷണങ്ങളും സ്തനാരോഗ്യത്തിന് വളരെ നല്ലതാണ്. ബദാം, ബട്ടര്‍ ഫ്രൂട്ട് എന്നിവയില്‍ വൈറ്റമിന്‍ ഇ ധാരാളം അടങ്ങിയിട്ടുണ്ട്. മാസമുറ സമയത്ത് ചില സ്ത്രീകള്‍ക്ക് മാറിടവേദന, മാറിടത്തില്‍ തടിപ്പ് തുടങ്ങിയ പ്രശ്‌നങ്ങള്‍ ഉണ്ടാകാറുണ്ട്. ഇത്തരം പ്രശ്‌നങ്ങള്‍ ഒഴിവാക്കാനും വൈറ്റമിന്‍ ഇ അടങ്ങിയ ഭക്ഷണങ്ങള്‍ നല്ലതാണ്.

സെന്‍റ് ആന്‍ഡ്രൂസ് യൂണിവേഴ്സിറ്റി നടത്തിയ ഒരു പഠനം അനുസരിച്ച് മഞ്ഞ നിറമുള്ളതും,ഓറ‍ഞ്ച് ഇനത്തില്‍ പെട്ടതുമായ പഴങ്ങള്‍ കഴിക്കുന്നവര്‍ക്ക് ആരോഗ്യമുള്ളതും ആകര്‍ഷകവുമായ ചര്‍മ്മമുണ്ടാകുമെന്ന് കണ്ടെത്തിയിട്ടുണ്ട്
നടക്കൂ, ആരോഗ്യവാനാകൂ.
വ്യായാമം ചെയ്യാന്‍ സൗകര്യങ്ങളില്ലെന്ന മുട്ടാപ്പോക്കു പറഞ്ഞിരിക്കുന്നവരുണ്ട്. നയാപൈസ ചെലവില്ലാതെ ഇത്തരക്കാര്‍ക്ക ചെയ്യാവുന്ന ഏറ്റവും നല്ല വ്യായാമമാണ് നടത്തം. രക്തസമ്മര്‍ദം, പ്രമേഹം, സന്ധിവേദന, ഹൃദയസംബന്ധമായ പ്രശ്‌നങ്ങള്‍ എന്നിവക്കുള്ള ഉത്തമവ്യായാമമാണിത്. മാത്രമല്ല, ശുദ്ധവായു ശ്വസിച്ചു നടക്കുന്നത് ശരീരത്തിനും മനസ്സിനും ഉണർവ് നൽകും.

ഓഫീസിലോ, ഷോപ്പിംഗ് മാളിലോ എവിടെയായാലും ലിഫ്റ്റുപോലുള്ള സാങ്കേതിക വിദ്യകള്‍ ഉപയോഗിക്കുന്നതിനു പകരം പടിക്കെട്ടുകള്‍ കയറുക. ഇത് വളരെ നല്ലൊരു വ്യായാമമാണ്.
സംഗീതം

ഒരു കനേഡിയന്‍ പഠനമനുസരിച്ച് വ്യായാമം ചെയ്യുമ്പോള്‍ സംഗീതം കേള്‍ക്കുന്നവര്‍ക്ക് അല്ലാത്തവരേക്കാള്‍ വേഗത്തില്‍ ശരീരഭാരം കുറയ്ക്കാന്‍ സാധിക്കുമെന്ന് കണ്ടെത്തിയിട്ടുണ്ട്. നിങ്ങളെ ഉത്തേജിപ്പിക്കുന്ന ഗാനങ്ങളുടെ ഒരു ശേഖരം തയ്യാറാക്കി അത് ഐ പോഡിലോ, എം.പി ത്രിയിലോ ഉപയോഗിക്കുക. ജിംനേഷ്യത്തിലോ, നടക്കാന്‍ പോകുമ്പോളോ ഇത് കേള്‍ക്കാം.മാനസിക സമ്മർദ്ദമാണ് ആരോഗ്യപ്രശ്നങ്ങൾക്ക് ഒരു പരിധി വരെ കാരണമാകുന്നത്.
നേരത്തെയുള്ള കിടപ്പും ഏഴുന്നേല്‍ക്കലും -

ഉറക്കത്തിന് ആരോഗ്യ സംരക്ഷണത്തില്‍ നല്ലൊരു പങ്ക് വഹിക്കാനുണ്ട്. സുഖകരമായ ഉറക്കം നമ്മുടെ ക്ഷീണം അകറ്റാനും ദേഷ്യം കുറയ്ക്കാനും ഓര്‍മ്മശക്തി വര്‍ധിപ്പിക്കുന്നതിനും സഹായിക്കുന്നു. അടുത്തിടെ ഹാര്‍വാഡ് യൂണിവേഴ്സിറ്റിയില്‍ നടന്ന ഒരു പഠനമനുസരിച്ച് രാത്രി ഏഴ് മണിക്കൂറോ അതില്‍ കുറവോ ഉറങ്ങുന്നവര്‍ ഒരു മണിക്കൂര്‍ നേരത്തേ ഉറങ്ങാന്‍ കിടക്കുന്നത് രക്തസമ്മര്‍ദ്ധത്തില്‍ മാറ്റമുണ്ടാക്കും എന്ന് കണ്ടെത്തിയിട്ടുണ്ട്. അതുപോലെ ഹൃദയാഘാതത്തിനും, ഹൃദയസ്തംഭനത്തിനുമുള്ള സാധ്യത കുറയ്ക്കുകയും ചെയ്യും.

വെള്ളം കുടിക്കാൻ മറക്കരുത്

ഭക്ഷണം ദഹിപ്പിക്കാൻ ശുദ്ധജലത്തിന്റെ ആവശ്യമുണ്ട് .ശരീരത്തിലെ കൊഴുപ്പുള്ള കോശങ്ങളെ പ്പോലും ചേർത്ത് ശുദ്ധജലത്തെ സ്വാദിഷ്ടമാക്കാം ആരോഗ്യമുള്ളതാക്കി തീർക്കുന്നത് ശരീരത്തിലെ ജലാംശമാണ് .പല കാരണങ്ങൾകൊണ്ടും ചിലപ്പോൾ നമ്മുടെ ശരീരത്തിൽ വിഷമാലിന്യങ്ങൾ അടിഞ്ഞുകൂടാറുണ്ട് ,ഇതിനെ നിർവീര്യമാക്കാൻ ഏറ്റവും പറ്റിയ ഔഷധമാണ് ശുദ്ധജലം.