നിങ്ങളുടെ കൈകൾക്കുള്ളിൽ ഒളിച്ചിരിക്കുന്ന ചില നുറുങ്ങു രേഖകൾക്ക് നിങ്ങളുടെ ഭാവിയെ പറ്റി പലതും പറയാനുണ്ട്. കൈ രേഖ ശാസ്ത്രം പിന്തുടരുന്ന ചില രീതികൾ നോക്കാം പ്രധാനമായും 5 രേഖകളാണ് കൈകളിൽ ഉള്ളത്. ജീവൻ,ഹൃദയം,ഭാവി,വിവാഹം,വിധി എന്നിവയാണ് ഇത്. വിരലുകൾ ഭൂമി,ജലം,തീ,വായു എന്നിവയയെയും സൂചിപ്പിക്കുന്നു.
നിങ്ങളുടെ രണ്ടു കൈകളും ചേർത്ത് വെക്കുമ്പോൾ വിരലുകൾക്ക് കീഴെയായി രൂപപ്പെടുന്ന ഹൃദയ രേഖക്ക് നിങ്ങളെ പറ്റി പറയാൻ ചിലതുണ്ട്.
കൈ ചേർത്ത് വെക്കുമ്പോൾ നേർ രേഖയായാണ് കാണുന്നതെങ്കിൽ ആ മനുഷ്യൻ ശാന്തനും സ്നേഹസമ്പന്നനും സമാധാനപ്രിയനും ആയിരിക്കും. അറേഞ്ച്ഡ് മേരേജിൽ താൽപര്യമുള്ളവരായിരിക്കും ഇവർ.
നേർ രേഖയല്ലാതെ ഉയർന്നും താഴ്ന്നും ആണ് രേഖകളെങ്കിൽ പൊതുവെ ഉള്‍വലിഞ്ഞ പ്രകൃതക്കാരായിരിക്കും ഇവർ. എന്നാൽ പ്രായത്തിൽ കവിഞ്ഞ പക്വത ഇവർക്കുണ്ടായിരിക്കും. മറ്റുള്ളവർ തങ്ങളെ പറ്റി മറ്റുള്ളവർ എന്ത് വിചാരിക്കുന്നു എന്ന ചിന്തകള്‍ ഉണ്ടാകാറില്ല. പ്രായത്തിൽ മുതിർന്നവരോടായിരിക്കും ഇവർക്ക് കൂടുതൽ ആകർഷണം ഉണ്ടാകുക.
ഇനി കൈ രേഖ അർദ്ധ വൃത്തത്തിലോ അർദ്ധ ചന്ദ്രക്കല പോലെയോ ആണെങ്കിൽ ഇക്കൂട്ടർ മനക്കട്ടിയുള്ളവരായിരിക്കും. മനസിൽ ഒരുപാട് സ്നേഹം കൊണ്ട് നടക്കുന്ന ഇവർ വളരെ ആഴത്തിലുള്ള ചിന്തകളും വികാരങ്ങളും ഉള്ളവരായിരിക്കും. ആകർഷണീയരും ഉൽസാഹികളുമായ ഇവർ പ്രണയ വിവാഹം ഇഷ്ട്പ്പെടുന്നവരായിരിക്കും.