പച്ചമുളക് കാന്സറിനെ പ്രതിരോധിക്കും
മലയാളിക്ക് പ്രിയപ്പെട്ടതാണ് പച്ചമുളക്. ഗുണങ്ങള് അറിയാതെയാണ് നാം പച്ചമുളക് ഉപയോഗിക്കുന്നതും ഇഷ്ടപ്പെടുന്നതും. നമുക്കറിയാത്ത വിറ്റാമിനുകളുടെ കലവറയാണ് പച്ചമുളക്. ആരോഗ്യപരമായ നിരവധി ഗുണങ്ങള് ഇതിനുണ്ട്. കലോറി ഒട്ടും അടങ്ങിയിട്ടില്ലാത്ത പച്ചമുളകില് ധാരാളം ആന്റി ഓക്സിഡന്റുകള് അടങ്ങിയിട്ടുണ്ട്. ഇത് കാന്സറിനെ പ്രതിരോധിക്കാന് സഹായകരമാണ്. കൂടാതെ പ്രോസ്റ്റേറ്റ് ഗ്രന്ഥിയുമായി ബന്ധപ്പെട്ട പ്രശ്നങ്ങള് തടയാനും ഈ ആന്റി ഓക്സിഡന്റുകള് സഹായിക്കും
പച്ചമുളകില് അടങ്ങിയിരിക്കുന്ന വിറ്റാമിന് സി കണ്ണുകളുടെ ആരോഗ്യത്തിന് ഉത്തമമാണ്. ചര്മ്മത്തിന്റെ ആരോഗ്യവും തിളക്കവും വര്ദ്ധിപ്പിക്കനും വിറ്റാമിന് സി സഹായകരമാണ്. വിറ്റാമിന് സിയും നാരുകളും നിറയെ ഉള്ളതിനാല് പച്ചമുളക് കഴിക്കുന്നത് ദഹനം എളുപ്പമാക്കുകയും ചെയ്യും. ഒപ്പം മുളക് കഴിക്കുമ്പോള് ഉമിനീര് ഉല്പ്പാദനം വര്ദ്ധിക്കുന്നതും ആഹാരം ശരിയായി ദഹിക്കാന് സഹായിക്കുന്നു.പ്രമേഹരോഗമുള്ളവര് ഭക്ഷണത്തില് പച്ചമുളക് ഉള്പ്പെടുത്തുന്നത് നല്ലതാണ്. ശരീരത്തിലെ ഷുഗര് ലെവല് സ്ഥിരമാക്കി നിര്ത്താന് ഇത് സഹായിക്കും. ശരീരത്തില് അടിഞ്ഞുകൂടുന്ന അമിത കൊഴുപ്പിനെ അലിയിച്ച് കളയാന് പച്ചമുളകിന് സാധിക്കുന്നതിനാല് ഇതിന്റെ ഉപയോഗം അമിത വണ്ണം കുറയ്ക്കും.
https://www.facebook.com/Malayalivartha
