തീര്‍ത്ഥാടക സംഘത്തിന്റെ വാഹനം അപകടത്തില്‍ പെട്ട് തമിഴ്‌നാട്ടില്‍ പത്ത് പേര്‍ മരിച്ചു. തിരുച്ചിറപ്പള്ളിയില്‍ ഇന്ന് പുലര്‍ച്ചെ നടന്ന വാഹനാപകടത്തിലാണ് ദാരുണ മരണം.

നാഗര്‍കോവിലില്‍ നിന്നും തിരുച്ചിറപ്പള്ളിയിലേക്ക് പോയ സംഘത്തിലെ ആളുകളാണ് മരിച്ചത്. അഞ്ച് പുരുഷന്മാരും മൂന്ന് സ്ത്രീകളും രണ്ടു കുട്ടികളും മരിച്ചതായാണ് വിവരം. മധുരതിരുച്ചിറപ്പള്ളി ദേശീയപാതയില്‍ തുവരന്‍കുറിച്ചിയിലാണ് സംഭവം.

ഇവര്‍ സഞ്ചരിച്ച ടെംപോ ട്രാവലറും ലോറിയും കൂട്ടിയിടിച്ചാണ് അപകടം ഉണ്ടായത്. അപകടത്തിന്റെ കാരണം വ്യക്തമല്ല. മരിച്ചവരെയും തിരിച്ചറിഞ്ഞിട്ടില്ല.