ലൗജിഹാദിനെതിരെ വ്യാപക പ്രചരണം നടത്തിയ സംഘികള്‍, അച്ഛന്റെ സുഹൃത്തായ മുസ്ലിം യുവാവിനെ പ്രണയിച്ച പെണ്‍കുട്ടിയ രഹസ്യകേന്ദ്രത്തില്‍ പീഡിപ്പച്ചതായി പരാതി
ലൗജിഹാദ് ആരോപിച്ച് കേരളത്തില്‍ പ്രചരണങ്ങള്‍ നടത്തിയിരുന്ന ആര്‍.എസ്.എസും വിശ്വഹിന്ദു പരിഷത്തും മുസ്്‌ലിം യുവാവിനെ പ്രണയിച്ച യുവതിയ അജ്ഞാത കേന്ദ്രത്തില്‍ പീഡിപ്പിക്കുന്നതായി പരാതി. ഇതേ തുടര്‍ന്ന് ഗുരുവായൂര്‍ അരിയന്നൂര്‍ ഊട്ടുമഠത്തില്‍ അഞ്ജലി പ്രകാശാണ് പീഡിപ്പിക്കുന്നെന്ന് വീഡിയോ ദൃശ്യങ്ങള്‍ പുറത്ത് വിട്ടത്. പ്രണയിച്ച് മതം മാറിയാല്‍ കൊല്ലുമെന്നാണ് ഭീഷണി. പറയുന്നത് അനുസരിച്ചില്ലെങ്കില്‍ തലമൊട്ടയടിക്കുമെന്നും പറഞ്ഞു. നിരവധിതവണ ഉപദ്രവിക്കുകയും ചെയ്തു. ഇതേ തുടര്‍ന്നുണ്ടായ മുറിവുകളുടെ പാടും പൊലീസിന് അയച്ച വീഡിയോയില്‍ കാണാം. പ്രശസ്തമായ ഹാദിയ കേസില്‍ ഹാദിയയെ തൃപ്പൂണിത്തുറയിലെ യോഗ കേന്ദ്രം അധികൃതര്‍ പീഡിപ്പിച്ചെന്ന് പരാതി ഉയര്‍ന്നിരുന്നു.
മംഗലാപുരത്തെ രഹസ്യകേന്ദ്രത്തിലാണ് തന്നെ ഒളിവില്‍ പാര്‍പ്പിച്ചിരിക്കുന്നതെന്ന് പെണ്‍കുട്ടി പറയുന്നുണ്ട്. ദൃശ്യങ്ങള്‍ സംസ്ഥാന ചീഫ് സെക്രട്ടറി പോള്‍ ആന്റണിക്കും അയച്ചുകൊടുത്തു. സംഭവത്തെ കുറിച്ച് വിശദമായി അന്വേഷിക്കാന്‍ അദ്ദേഹം ചീഫ് സെക്രട്ടറിക്ക് നിര്‍ദ്ദേശം നല്‍കി. തുടര്‍ന്ന് ഗുരുവായൂര്‍ പൊലീസ് പെണ്‍കുട്ടിയുടെ വീട്ടിലും പരിസരത്തും അന്വേഷണം നടത്തിയ ശേഷം മംഗലാപുരത്തെത്തി കര്‍ണാടക പൊലീസിന്റെ സഹായത്തോടെ പെണ്‍കുട്ടിയെ കണ്ടെത്തിയെന്ന് പറയുന്നു. മകള്‍ മുസ്്‌ലിംമതം സ്വീകരിക്കുമെന്ന ഭീതിയില്‍ അമ്മ വിനീതയുടെ സമ്മതത്തോടെയാണ് പീഡനം നടന്നതെന്നും പറയുന്നു.
രണ്ട് വര്‍ഷം മുമ്പാണ് കേസിനാസ്പദമായ സംഭവം നടന്നത്. അച്ഛന്റെ അടുത്ത സുഹൃത്തായ യുവാവുമായി പെണ്‍കുട്ടി പ്രണയത്തിലായിരുന്നു. ഇതറിഞ്ഞ പെണ്‍കുട്ടിയുടെ വീട്ടുകാര്‍ എതിര്‍പ്പ് അറിയിച്ചില്ല. ഇതിനിടെ അച്ഛന്‍ മരിച്ചു. അതോടെ അമ്മ വിനീതയും ബന്ധുക്കളും എതിര്‍പ്പുമായി രംഗത്തെത്തി. അഞ്ജലി വഴങ്ങാത്തതിനെ തുടര്‍ന്ന് ഉപദ്രവിക്കാന്‍ തുടങ്ങി. നിലപാട് മാറ്റാത്തതിനെ തുടര്‍ന്ന് മാനസികനില മോശമാണെന്ന് ആരോപിച്ച് തൃശൂരിലെ സ്വകാര്യ ആശുപത്രിയിലും എറണാകുളത്തെ അമൃതാ ആശുപത്രിയിലും അജ്ഞലിയെ പ്രവേശിപ്പിച്ചു.
ഇതോടെ കാമുകന്‍ കൂനമ്മൂച്ചി സ്വദേശിയായ നാലകത്ത് മനാസ് പൊലീസില്‍ പരാതികൊടുത്തു. ഭാവിവധുവിനെ തടവില്‍ വെച്ചിരിക്കുകയാണെന്ന് കാട്ടി കോടതിയില്‍ പരാതി നല്‍കി. പെണ്‍കുട്ടി മാനസിക ചികിത്സ തേടുന്നതായി ആശുപത്രി അധികൃതര്‍ നല്‍കിയ സര്‍ട്ടിഫിക്കറ്റ് ഹാജരാക്കിയതോടെ കോടതി പെണ്‍കുട്ടിയെ അമ്മയോടൊപ്പം വിട്ടു. പിന്നീടാണ് ആര്‍.എസ്.എസിന്റെയും വിശ്വഹിന്ദു പരിഷത്തിന്റെയും രഹസ്യ കേന്ദ്രങ്ങളിലേക്ക് അജ്ഞലിയെ മാറ്റിയത്. പെണ്‍കുട്ടി സ്വയം പകര്‍ത്തിയ ദൃശ്യങ്ങള്‍ സഹിതം മുഖ്യമന്ത്രിയുടെ പൊളിറ്റിക്കല്‍ സെക്രട്ടറി എം.വി. ജയരാജന്‍, മുരളി പെരുനെല്ലി എം.എല്‍.എ, ഡി.ജി.പി ലോക്‌നാഥ് ബെഹ്‌റ എന്നിവര്‍ക്ക് നല്‍കിയ പരാതി നല്‍കിയതോടെയാണ് അന്വേഷണം ഊര്‍ജ്ജിതമാക്കിയത്.
https://www.facebook.com/Malayalivartha
