വിദേശയുവതിയെ ദുരൂഹസാഹചര്യത്തില് മരിച്ചനിലയില് കണ്ടെത്തിയ കോവളം പനത്തുറയിലെ കണ്ടല്ക്കാട് മദ്യ-മയക്കുമരുന്ന് സെക്സ് മാഫിയകളുടെ വ്യവഹാരകേന്ദ്രമാണ്; മുമ്പും വിദേശവനിതകളെ മയക്ക്മരുന്ന് നല്കി ഇവിടെ പീഡിപ്പിച്ചിരുന്നു
വിദേശയുവതിയെ ദുരൂഹസാഹചര്യത്തില് മരിച്ചനിലയില് കണ്ടെത്തിയ കോവളം പനത്തുറയിലെ കണ്ടല്ക്കാട് മദ്യ-മയക്കുമരുന്ന് സെക്സ് മാഫിയകളുടെ വ്യവഹാരകേന്ദ്രമാണ്. ഇവിടെ വിദേശികള് ഉള്പ്പെടെയുള്ള ടൂറിസ്റ്റുകളെ മുമ്പും എത്തിച്ചിരുന്നതായി അന്വേഷണത്തില് പൊലീസ് കണ്ടെത്തി. മാഫിയാ സംഘത്തെ ഭയന്നാണ് നാട്ടുകാര് ഇക്കാര്യം പുറത്ത് പറയാതിരുന്നത്. വിദേശവനിതകളും പുരുഷന്മാരും അടങ്ങുന്ന സംഘം പലതവണ ഇവിടെ വന്ന് പോയിട്ടുണ്ട്. കണ്ടല്ക്കാടിലേക്ക് കടത്ത് വള്ളത്തിലൂടെയാണ് എത്തുന്നത്. കാല്നടയായി എത്തണമെങ്കില് കിലോമീറ്ററുകള്ഡ സഞ്ചരിക്കണം.
മുമ്പും വിദേശവനിതകളെ മയക്ക്മരുന്ന് നല്കി പീഡിപ്പിച്ചിരുന്നതായി അന്വേഷണ സംഘം കണ്ടെത്തി. നാട്ടുകാരില് പലരും ഇത് സംബന്ധിച്ച വിവരങ്ങള് പൊലീസിന് കൈമാറിയിട്ടുണ്ട്. മയക്ക്മരുന്ന് നല്കി അബോധാവസ്ഥയിലാക്കിയ ശേഷമാണ് ബലാല്സംഗം നടത്തിയിട്ടുള്ളത്. പലരും ഭീഷണിയെ തുടര്ന്ന് പരാതി നല്കിയില്ല. ലീഗയുടെ മൃതദേഹം ഇവിടെ നിന്ന് കണ്ടെത്തിയതിനെ തുടര്ന്ന് പൊലീസ് നടത്തിയ പരിശോധനയില് മയക്ക്മരുന്ന് സംഘത്തില് നിന്ന് 130 കിലോ കഞ്ചാവ് പിടിച്ചെടുത്തിരുന്നു. അന്യസംസ്ഥാനങ്ങളില് നിന്നെത്തിക്കുന്ന കഞ്ചാവും മയക്ക്മരുന്നും കണ്ടല്ക്കാട്ടില് എത്തിക്കും. അവിടേക്ക് വിദേശികള് ഉള്പ്പെടെയുള്ളവരെ എത്തിച്ചാണ് ഇവ നല്കിയിരുന്നത്.
കണ്ടല്പ്രദേശം നാട്ടുകാരുള്പ്പെടെ ആരും ശ്രദ്ധിക്കാറില്ല. അതുകൊണ്ടാണ് മയക്കുമരുന്ന് മാഫിയാ സംഘങ്ങളും ചീട്ടുകളിക്കാരും ഇവിടം താവളമാക്കുന്നത്. ഇവിടെ എന്ത് നടന്നാലും പ്രദേശവാസികള് പോലും അറിയില്ല. വിദേശികളെ ഇവിടെ എത്തിക്കാന് കോവളത്ത് ഏജന്റുമാരുണ്ട്. കഞ്ചാവ് നല്കാനെന്ന വ്യാജേനെയാണ് കണ്ടല്ക്കാട്ടില് എത്തിക്കുന്നത്. ബാച്ചില് വെച്ച് ലഹരിയടങ്ങിയ സിഗരറ്റ് നല്കിയാണ് ആദ്യം വളയ്ക്കുന്നത്. കണ്ടല്ക്കാട്ടില് പൊലീസ് മൂന്നാമത് വിശദപരിശോധന നടത്തിയപ്പോള് ഗര്ഭനിരോധന ഉറകള് വ്യാപകമായി കണ്ടെത്തി.
https://www.facebook.com/Malayalivartha
