പത്തനംതിട്ട ജില്ലയിലെ തിരുവല്ല മുൻസിപ്പൽ സെക്രട്ടറി നാരായണൻ സ്റ്റാലിയെ കൈക്കൂലി വാങ്ങിയ സംഭവത്തിൽ വിജിലൻസ് വിഭാഗം കൈയോടെ പൊക്കി. ഓഫീസ് അസിസ്റ്റന്റ് ആയ വനിതാ ഉദ്യോഗസ്ഥ ഹസിനാ ബീഗവും   പിടിയിലായിട്ടുണ്ട്. മാലിന്യ സംസ്ക്കരണ യൂണിറ്റ് സ്ഥാപിക്കാനായി തിരുവല്ല
ക്രിസ് ഗ്ലോബൽ എന്ന സ്ഥാപന ഉടമയിൽ നിന്നാണ് ഇവർ കൈക്ൂലി വാങ്ങിയത്.  
ഓഫീസ് അസിസ്റ്റൻറ് ഹസീനയുടെ  കയ്യിൽനിന്ന 25000 രൂപ പിടികൂടിയിട്ടുണ്ട്.,
പിടികൂടിയ പണം മുൻസിപ്പൽ സെക്രട്ടറിക്ക് കൈമാറാൻ ഉള്ളതതാണെന്ന് ഇവർ സമ്മതിക്കുകയും ചെയ്തു.

2024 വരെ ഖര മാലിന്യ സംസ്ക്കരണ യൂണിറ്റ് നടത്തുന്നതിനാണ് കരാർ ഉള്ളത്. പ്ലാൻ്റിന് ഫിറ്റ്നസ് സർട്ടിഫിക്കറ്റ് നൽകണമെങ്കിൽ 2 ലക്ഷം രൂപ നൽകണമെന്ന് സെക്രട്ടറി കരാറുകാരനോട് ആവശ്യപ്പെട്ടു. എന്നാൽ അത്രയും തുക നൽകാനാവില്ലെന്ന് കരാറുകാരൻ അറിയിച്ചു. തുടർന്ന് കഴിഞ്ഞ ദിവസം 25000 രുപ നൽകണമെന്ന് സെക്രട്ടറി ആവശ്യപ്പെടുകയും കരാറുകാരൻ വിവരം വിജിലെൻസിനെ അറിയിക്കുകയുമായിരുന്നു. ഇന്ന് ഉച്ചക്ക് ശേഷം കരാറുകാരൻ കൊണ്ടുവന്ന നോട്ടുകളിൽ വിജിലൻസ് ഫിനോഫ്തലിൽ പുരട്ടി നൽകുകയും കരാറുകാരൻ ഇത് സെക്രട്ടറിക്ക് നൽകുകയും ചെയ്തു. ഈ തുക തൻ്റെ ബാങ്ക് അക്കൗണ്ടിൽ ഇടാൻ പറഞ്ഞ് സെക്രട്ടറി  ഈ തുക ജീവനക്കാരിയായ ഹസീനയെ ഏൽപ്പിച്ചു. ഇവർ പണവുമായി പോകാനൊരുങ്ങുമ്പോൾ സ്ഥലത്തെത്തിയ വിജിലെൻ സ് സംഘം ഇരുവരെയും അറസ്റ്റ് ചെയ്യുകയായിരുന്നു..സംഭവത്തിന് ദൃക്സാക്ഷിയായ ഒരു മുനിസിപ്പൽ ജീവനക്കാരൻ പറയുന്നത് കേൾക്കാം...
 നടപടി ക്രമങ്ങൾ പൂർത്തിയാക്കി നാളെ ഇരുവരേയും തിരുവനന്തപുരം വിജിലെൻ സ് കോടതിയിൽ ഹാജരാക്കും.