കുവൈത്ത് ഭരണാധികാരിയുടെ സഹോദരി ഷെയ്ഖ ഫരീഹ അല്‍ അഹമ്മദ് അല്‍ ജാബിര്‍ അല്‍ സബഹ് അന്തരിച്ചു
13 AUGUST 2018 07:39 PM IST
മലയാളി വാര്‍ത്ത
കുവൈത്ത്: ഈജിപ്തില്‍ വച്ചു കുവൈത്ത് രാജകുടുംബാംഗം അന്തരിച്ചു. കുവൈത്ത് ഭരണാധികാരിയായ ഷെയ്ഖ് സബഹ് അല്‍ അഹമ്മദ് അല്‍ ജാബിര്‍ സബഹിന്റെ സഹോദരി ഷെയ്ഖ ഫരീഹ അല്‍ അഹമ്മദ് അല്‍ ജാബിര്‍ അല്‍ സബഹ് ആണ് മരിച്ചത്. ഞായറാഴ്ച രാത്രിയായിരുന്നു അന്ത്യം.
നിരവധി ജീവകാരുണ്യ കുടുംബ ക്ഷേമ പ്രവര്‍ത്തനങ്ങളിലൂടെ ശ്രദ്ധേയയായിരുന്നു ഷെയ്ഖ ഫരീഹ. നിരവധി അവാര്‍ഡുകളും ഇവരെ തേടിയെത്തിയിട്ടുണ്ട്.
ഷെയ്ഖ ഫരീഹയുടെ വിയോഗത്തില്‍ യു.എ.ഇ പ്രസിഡന്റ്‌ ഷെയ്ഖ് ഖലീഫ ബിന്‍ സയീദ്‌ അല്‍ നഹ്യാന്‍, പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മൊഹമ്മദ്‌ ബിന്‍ റാഷിദ്‌ അല്‍ മക്തൂം, അബുദാബി കിരീടാവകാശിയും യു.എ.ഇ സായുധ സേനയുടെ ഡെപ്യൂട്ടി സുപ്രീം കമാന്‍ഡറുമായ ഷെയ്ഖ് മൊഹമ്മദ്‌ ബിന്‍ സയീദ്‌ അല്‍ നഹ്യാന്‍ തുടങ്ങിയ യു.എ.ഇ നേതാക്കള്‍ അനുശോചിച്ചു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
