പ്രളയക്കെടുതിയിൽ മുങ്ങിയ കേരളത്തിന് കൈത്താങ്ങായി ഖത്തര്; ദുരിതാശ്വാസ സാമഗ്രികളുമായി ഖത്തര് എയര്വേഴ്സ് നാളെ തിരുവനന്തപുരത്തെത്തും
പ്രളയക്കെടുതിയിൽ മുങ്ങിയ കേരളത്തിന് കൈത്താങ്ങായി ഖത്തറും രംഗത്തിയിരിക്കുകയാണ്. കേരളത്തിലേയ്ക്ക് ദുരിതാശ്വാസ സാമഗ്രികള് സൗജന്യമായി എത്തിക്കുമെന്നാണ് ഖത്തറിന്റെ വാഗ്ദാനം. ഖത്തര് എയര്വേഴ്സ് വഴിയാകും സാധനങ്ങൾ എത്തിക്കുക.
ഖത്തറില് നിന്ന് പുറപ്പെടുന്ന ദോഹ-തിരുവനന്തപുരം യാത്രാ വിമാനത്തില് 21 മുതല് 29 വരെ സൗജന്യമായി ദുരിതാശ്വാസ സാമഗ്രികളെത്തിക്കും. കേരളത്തിലേക്ക് ദുരിതാശ്വാസ സാമഗ്രികളെത്തിക്കാന് ഖത്തറിലെ ഇന്ത്യന് സമൂഹം ഖത്തര് എയര്വേയ്സില്നിന്നു പിന്തുണ അഭ്യര്ഥിച്ചതിനു പിന്നാലെയാണ് തീരുമാനം.
വിമാനത്തില് 50 ടണ്ണിലേറെ ദുരിതാശ്വാസ സാമഗ്രികള് കേരളത്തിലെത്തിക്കുമെന്നാണു പ്രതീക്ഷിക്കുന്നത്. ദുരന്തത്തിന് ഇരകളായവരുടെ കുടുംബങ്ങള്ക്കൊപ്പം തങ്ങളുടെ പ്രാര്ഥനകളുണ്ടെന്ന് ഖത്തര് എയര്വേയ്സ് ചീഫ് ഓഫിസര് പറഞ്ഞു.
മേഖല എത്രയും വേഗം ദുരന്തത്തില്നിന്നു തിരിച്ചുവരുമെന്ന പ്രതീക്ഷയുണ്ടെന്നും ഗ്യൂം ഹാലക്സ് പറഞ്ഞു. കേവലം ഒരു കാര്ഗോ കാരിയര് എന്നതിനുമപ്പുറം ഖത്തര് എയര്വേയ്സ് കാര്ഗോ മാനുഷിക പ്രശ്നങ്ങള്ക്കു വളരെയധികം പ്രാധാന്യം നല്കുന്നുണ്ടെന്നും അദ്ദേഹം കൂട്ടിച്ചേര്ത്തു.
ഖര ഭക്ഷണ പദാര്ഥങ്ങള്, വെള്ളം, വസ്ത്രങ്ങള്, ആവശ്യമുള്ള മരുന്നുകള് എന്നിവയാണു ദുരിതാശ്വാസ ഫണ്ടിലേക്കു നല്കേണ്ടത്. 100 കിലോ വരെയുള്ള പാക്കറ്റുകളാണ് അനുവദിക്കുക. ഷിപ്മെന്റ് ബുക്ക് ചെയ്യാനും മറ്റു വിവരങ്ങള്ക്കും +974 4018 1685 , +974 6690 8226 എന്നീ നമ്പറുകളില് ബന്ധപ്പെടാം.
https://www.facebook.com/Malayalivartha