മസ്കറ്റിൽ മോഷണശ്രമത്തെ തടഞ്ഞ് മോഷ്ടാക്കളെ സാഹസികമായി പിടികൂടിയ മലയാളികളെ റോ​യ​ല്‍ ഒ​മാ​ന്‍ പൊ​ലീ​സ് ആദരിച്ചു. മ​ക്ക ഹൈ​പ്പ​ര്‍​മാ​ര്‍​ക്ക​റ്റി​ലെ ജീ​വ​ന​ക്കാ​രായ ക​ണ്ണൂ​ര്‍ സ്വ​ദേ​ശി റ​യീസ്, ക​ണ്ണൂ​ര്‍ തി​ല്ലങ്കേരി സ്വ​ദേ​ശി നൗ​ഷാ​ദ്, കോ​ഴി​ക്കോ​ട്​ വ​ട​ക​ര സ്വ​ദേ​ശി ​രാ​ജേ​ഷ് എ​ന്നി​വ​രെ​യാ​ണ് പോലീസ്​ ആ​ദ​രി​ച്ച​ത്.

കു​റ്റ​കൃ​ത്യം ത​ട​യു​ന്ന​തി​ന്​ പ​ങ്കു​വ​ഹി​ച്ച​തി​നാ​ണ്​ ഇ​വ​രെ ആ​ദ​രി​ച്ച​തെ​ന്ന്​ റോ​യ​ല്‍ ഒ​മാ​ന്‍ പൊ​ലീ​സ്​ ട്വി​റ്റ​റിലൂടെ വ്യക്തമാക്കി. മോഷണത്തിനെത്തിയവരില്‍ ഒരാളെ പിടികൂടുകയും, മറ്റുള്ളവരെ പിടികൂടാന്‍ സഹായിക്കുകയും ചെയ്തത് ഇവരാണ്.

കഴിഞ്ഞ ശനിയാഴ്ച യുവാക്കള്‍ ജോലി ചെയ്യുന്ന ഹൈ​പ്പ​ര്‍​മാ​ര്‍​ക്ക​റ്റിലാണ് മോഷണശ്രമം നടന്നത്. പ്രധാന വാതിലിന്‍റെ പൂട്ട് തുറന്ന് അകത്ത് കടന്ന മോഷ്ടാക്കള്‍ അകത്തു കടക്കുകയായിരുന്നു.എന്നാല്‍ ഉള്ളില്‍ ആളുണ്ടെന്ന് മനസിലാക്കിയ മോഷ്ടാക്കള്‍ ഓടിരക്ഷപ്പെടാന്‍ ശ്രമിച്ചെങ്കിലും യുവാക്കള്‍ പിടികൂടുകയായിരുന്നു.