അബുദാബിയില് ഫ്ലാറ്റില് രഹസ്യമായി നിയമവിരുദ്ധ പ്ലാസ്റ്റിക് സര്ജറി; ഡിപാര്ട്ട്മെന്റ് ഓഫ് ഇക്കണോമിക് ഡെവലപ്മെന്റും പൊലീസും സംയുക്തമായി നടത്തിയ പരിശോധനയില് ഫ്ലാറ്റില് അനധികൃതമായി ബ്യൂട്ടി പാര്ലര് നടത്തിയിരുന്നതായി കണ്ടെത്തിയതി
സൗന്ദര്യം വര്ദ്ധിപ്പിക്കാനായി സ്രത്രീകള് എപ്പോഴും പുതുവഴികള് തേടിക്കൊണ്ടിരിക്കും. പ്ലാസ്റ്റിക് സര്ജറി മുലം സുന്ദരിമാരായവരും അതുപോലെ തന്നെ വികൃതമായവരും ഉണ്ട് ലോകത്തില് എന്നാല് കാര്യങ്ങള് നടത്തേണ്ടത് ലൈസന്സുള്ള മെഡിക്കല് വിദഗ്ധരാണ്. ഈ സാഹചര്യം നിലനില്ക്കെ അബുദാബിയിലെ ഫ്ലാറ്റില് നടത്തിയ റെയ്ഡില് സ്ത്രീകള്ക്കായി രഹസ്യ പ്ലാസ്റ്റിക് സര്ജറി നടത്തുന്നതായി കണ്ടെത്തി. പരിശോധനയില് സൗന്ദര്യവര്ധക വസ്തുക്കളും പ്ലാസ്റ്റിക് സര്ജറിക്ക് ഉപയോഗിക്കുന്ന വസ്തുക്കളും കണ്ടെടുത്തു.ഡിപാര്ട്ട്മെന്റ് ഓഫ് ഇക്കണോമിക് ഡെവലപ്മെന്റും പൊലീസും സംയുക്തമായി നടത്തിയ പരിശോധനയില്ലാണ് സൗന്ദര്യവര്ധക വസ്തുക്കളും പ്ലാസ്റ്റിക് സര്ജറിക്ക് ഉപയോഗിക്കുന്ന വസ്തുക്കള് കണ്ടെടുത്തത്. താമസിക്കാന് അനുവാദം നല്കിയിരുന്ന ഫ്ലാറ്റിലാണ് അനധികൃതമായി ബ്യൂട്ടി പാര്ലര് നടത്തിയിരുന്നതെന്നും വ്യക്തമായിട്ടുണ്ട്.
തലസ്ഥാന നഗരത്തിലെ ഈ ഫ്ലാറ്റില് നിയമവിരുദ്ധമായാണ് സ്ത്രീകള്ക്കുള്ള സൗന്ദര്യവര്ധക സേവനങ്ങള് നല്കിയിരുന്നതെന്നും അധികൃതര് അറിയിച്ചു. ഇത്തരം കാര്യങ്ങള് നടത്തേണ്ടത് ലൈസന്സുള്ള മെഡിക്കല് വിദഗ്ധര് മാത്രമാണെന്നും ഡിഇഡി അധികൃതര് വ്യക്തമാക്കി.
സംഭവവുമായി ബന്ധപ്പെട്ട് ഫ്ലാറ്റ് ഉടമസ്ഥനെതിരെ നിയമനടപടിയും പിഴയും ഉണ്ടാകും. തുടര് നടപടിക്കായി കേസ് കൈമാറിയെന്ന് അധികൃതര് പറഞ്ഞു. പിഴത്തുക എത്രയെന്നു വ്യക്തമല്ല. നഗരത്തിലെ ഫ്ലാറ്റ് കേന്ദ്രീകരിച്ച് നിയമവിരുദ്ധ പ്രവര്ത്തനങ്ങള് നടത്തുന്നുവെന്ന രഹസ്യ വിവരത്തെ തുടര്ന്നായിരുന്നു റെയ്ഡെന്ന് ഡിഇഡി കൊമേഴ്സ്യല് ഡിപാര്ട്ട്മെന്റ് ആക്ടിങ് ഡയറക്ടര് അഹമ്മദ് തറാഷ് അല് ഖ്വബൈസി അറിയിച്ചു.
https://www.facebook.com/Malayalivartha
