പ്രവാസികൾക്ക് സന്തോഷ വാർത്ത . കുവൈറ്റില്‍ ദേശീയദിനാഘോഷങ്ങളെ വരവേല്‍ക്കാനായി വിപുലമായ ആഘോഷങ്ങള്‍ക്ക് തുടക്കം കുറിച്ചു. ഇന്നലെ വൈകുന്നേരം മുതല്‍ തന്നെ കുവൈറ്റ് ടവര്‍, പ്രധാന കെട്ടിടങ്ങള്‍ എന്നിവയൊക്കെ ദീപാലങ്കാരങ്ങളാല്‍ വര്‍ണ്ണാഭമായി മാറി .

ആഘോഷങ്ങളോടനുബന്ധിച്ച്‌ ഇന്നലെ വൈകിട്ട് നടന്ന ബൈക്ക് റാലി സംഗമം അത്യാകര്‍ഷകമായി.നാടും നഗരവു൦ ദേശീയ ദിനാഘോഷത്തെ വരവേല്‍ക്കാന്‍ ഒരുങ്ങിക്കഴിഞ്ഞു.ദേശീയ ദിനം പ്രമാണിച്ച്‌ ഈ മാസത്തെ ശമ്പളം 21 ന് മുൻപായി അക്കൌണ്ടുകളില്‍ എത്തുമെന്ന് അധികൃതര്‍ അറിയിച്ചു. ഇതില്‍ പങ്കെടുക്കാന്‍ ബഹ്റിന്‍ ഉള്‍പ്പെടെയുള്ള മറ്റ്‌ ഗള്‍ഫ് രാജ്യങ്ങളില്‍ നിന്നും നിരവധി യുവാക്കളാണ് കുവൈറ്റില്‍ എത്തിയത്.

5 ദിവസം നീണ്ടുനില്‍ക്കുന്ന അവധിയോടെ ദേശീയ ദിനാഘോഷങ്ങള്‍ കൊഴുപ്പിക്കാനുള്ള ഒരുക്കങ്ങളിലാണ് സ്വദേശികളും വിദേശികളും ഉള്‍പ്പെടുന്ന കുവൈറ്റി സമൂഹം. 22 മുതല്‍ കുവൈറ്റിലെ സര്‍ക്കാര്‍ ഓഫീസുകളും സ്കൂളുകളും മറ്റ്‌ സ്ഥാപനങ്ങളും അവധിയിലെക്ക് പ്രവേശിക്കുകയാണ്. ഔദ്യോഗിക അവധി 24, 25, 26 തീയതികളിലാണെങ്കിലും വെള്ളിയാഴ്ചത്തെയും ശനിയാഴ്ചത്തെയും വാരാന്ത്യ അവധി കൂടി കണക്കാക്കുമ്പോൾ ആകെ അവധി ദിവസങ്ങള്‍ അഞ്ചായി മാറിയിരിക്കുകയാണ്.

വാരാന്ത്യ അവധിക്കും ദേശീയ ദിന അവധിക്കും ഇടയിലുള്ള ഞായറും അവധിയായി പ്രഖ്യാപിച്ചിട്ടുണ്ട്. ഇതോടെ വലിയ ജനമുന്നേറ്റം തന്നെ ദേശീയ ദിനാഘോഷങ്ങളുടെ ഭാഗമായിയുണ്ടാകുമെന്നാണ് കരുതപ്പെടുന്നത്.