എയർ ഇന്ത്യ എക്സ്പ്രസിൽ കുവൈറ്റിൽ നിന്ന് കേരളത്തിലേയ്ക്കുള്ള ബാഗേജ് അലവൻസ് 40 കിലോ ആയി ഉയർത്തി. തിരുവനന്തപുരം, കൊച്ചി, കോഴിക്കോട് വിമാനത്താവളങ്ങളിലേക്കും മംഗലാപുരത്തേക്കുമുള്ള സര്‍വീസുകളിലാണ് ഈ സേവനം ലഭ്യമാകുക. ഇന്ന് മുതൽ രണ്ട് നിരക്കുകളിലായി 30 കിലോ, 40 കിലോ എന്നിങ്ങനെ അനുവദിക്കും.

നിലവിൽ 20, 30 കിലോ എന്നിങ്ങനെയാണ് അനുവദിക്കുന്നത്. പുതുക്കിയ ആനുകൂല്യം മാർച്ച് 31വരെ പ്രാബല്യത്തിലുണ്ടാകും. അതേസമയം നേരത്തെ ടിക്കറ്റ് ബുക്ക് ചെയ്തവര്‍ക്ക് പഴയ അളവില്‍ മാത്രമേ ലഗേജ് കൊണ്ടുപോകാന്‍ കഴിയുകയുള്ളു. ഇന്ത്യയില്‍ നിന്ന് തിരികെ കുവൈറ്റിലേക്കുള്ള സര്‍വീസുകളില്‍ ഈ ആനുകൂല്യം ഉണ്ടാവില്ല.