മൂന്നുമാസ​ത്തെ ലോക്​ഡൗണിന്​ ശേഷം സൗദി അറേബ്യ സാധാരണജീവിതത്തിലേക്ക്​. രാജ്യത്തെ നഗരങ്ങളും ചെറുപട്ടണങ്ങളും ഗ്രാമങ്ങളും ഉൾപ്പെടെ മുഴുവൻ മേഖലകളിലും കർഫ്യൂ പൂർണമായും നീക്കിയതായി ആഭ്യന്തര മന്ത്രാലയം ഉത്തരവിടുകയുണ്ടായി. ഞായറാഴ്​ച അതായത് ഇന്ന് രാവിലെ മുതൽ പ്രാബല്യത്തിൽ വരുകയുണ്ടായി. കർഫ്യു പിൻവലിക്കുന്നതോടെ എല്ലാ സാമ്പത്തിക, വാണിജ്യ സ്ഥാപനങ്ങളും പൂർണമായും പ്രവർത്തിച്ചു തുടങ്ങുന്നതായിരിക്കും. അതോടൊപ്പം തന്നെ കോവിഡിനെ നേരിടാൻ മാർച്ച്​​ 23നാണ്​ രാജ്യത്ത്​ ആദ്യമായി കർഫ്യൂ ഏർപ്പെടുത്തിയത്​.

എന്നാൽ അത് ഭാഗിക നിരോധനാജ്ഞയായിരുന്നു. പിന്നീട്​ അത്​ സമ്പൂർണ കർഫ്യൂ ആക്കി മാറ്റുകയും ചെയ്തിരുന്നു. മെയ്​ 26ന്​ കർഫ്യൂ ഭാഗികമായി നീക്കം ചെയ്ത്​ ആഭ്യന്തര മന്ത്രാലയം ഉത്തരവ്​ പുറപ്പെടുവിക്കുകയും ചെയ്തിരുന്നു. അതി​​​ന്റെ തുടർച്ചയായാണ് കർഫ്യൂ സമ്പൂർണമായി നീക്കം ചെയ്​തുകൊണ്ടുള്ള​ പുതിയ പ്രഖ്യാപനമുണ്ടായിരിക്കുന്നത്​. സൗദി അറേബ്യയിൽ ജീവിതം സാധാരണ നിലയിലേക്ക്​ തിരിച്ചുവരാൻ സാധിക്കുമെന്ന ആരോഗ്യവകുപ്പി​​​​െൻറ കീഴിലുള്ള കോവിഡ്​ സ്ഥിതി വിലയിരുത്തൽ സമിതിയുടെ ശിപാർശയുടെ അടിസ്​ഥാനത്തിലാണ്​ കർഫ്യു പിൻവലിക്കാൻ സൗദി ഭരണാധികാരി സൽമാൻ രാജാവ്​ അനുമതി നൽകിയതെന്ന്​ ആഭ്യന്തര മന്ത്രാലയ വക്താവ് അറിയിക്കുകയുണ്ടായി.