മാർച്ച് 13ന് മുൻപ് ഇഷ്യു ചെയ്ത എല്ലാത്തരം വീസകളും റദ്ദായതായി കണക്കാക്കുമെന്ന് ആഭ്യന്തരമന്ത്രാലയം വ്യക്തമാക്കുകയുണ്ടായി. കുവൈത്തിൽ ഇനി എത്താനുള്ളവർ പുതിയ വീസയ്ക്ക് അപേക്ഷിക്കണം എന്നതാണ് പുതുതായി മുന്നോട്ട് വയ്ക്കുന്നത്. അതോടൊപ്പം തന്നെ മാനദണ്ഡങ്ങൾ താമസിയാതെ പ്രഖ്യാപിക്കും. പ്രവാസികൾക്കായി ആകാശവാതിലുകൾ തുറന്ന സാഹചര്യത്തിൽ വിവിധ തരത്തിലുള്ള വീസ സമ്പാദിച്ച പലർക്കും മാർച്ച് 13ന് ശേഷം കുവൈത്തിൽ പ്രവേശിക്കാൻ കഴിയാതെ വന്നിട്ടുണ്ട്.

അതോടൊപ്പം തന്നെ കോവിഡ് മുൻ‌‌നിർത്തി വിമാന സർവീസ് നിർത്തലാക്കിയതാണ് കാരണമായി പറയുന്നത്. പുതിയ വീസയുമായി കുവൈത്തിൽ പ്രവേശിക്കേണ്ട കാലപരിധി ഇതിനകം അവസാനിച്ചതിനാലാണ് റദ്ദായതായി പരിഗണിക്കുന്നത്. ഇതിലൂടെ കുടുംബ, ടൂ‍റിസ്റ്റ്, കോമേഴ്സ്യൽ,സർക്കാർ സന്ദർശക വീസകൾ, ആശ്രിത വീസ, തൊഴിൽ വീസ എന്നിവയ്ക്കെല്ലാം തീരുമാനം ബാധകമാണ് എന്നതും സൂചിപ്പിക്കുകയുണ്ടായി. ഇനി കുവൈറ്റിലേക്ക് മടങ്ങുന്നവർ വീസ സംബന്ധിച്ച കാര്യങ്ങളിൽ കൂടുതൽ ജാഗ്രത പുലത്തേണ്ടതാണ്.

അതേസമയം വിമാന സർവസ് ഇല്ലാത്തതിനാൽ നാട്ടിൽ കുടുങ്ങിയ ഇന്ത്യക്കാർക്ക് കുവൈത്തിലേക്ക് മടങ്ങാൻ വഴി തെളിയുന്നു.ആഗസ്റ്റ് 10 മുതൽ ഒക്ടോബർ 24 വരെ താൽക്കാലിക വിമാന സർവിസ് ആരംഭിക്കുന്നതിനായി കേന്ദ്ര വ്യോമയാന മന്ത്രാലയം മുന്നോട്ടുവെച്ച നിർദേശങ്ങൾക്ക് കുവൈത്ത് ഡി.ജി.സി.എ അംഗീകാരം നൽകിയാതായി റിപ്പോർട്ട്. ഇതനുസരിച്ച് ഇരു രാജ്യത്തെയും വിമാനക്കമ്പനികൾക്ക് പ്രതിദിനം 500 സീറ്റുകൾ വീതം അനുവദിക്കുന്നതാണ്. ഇരുരാജ്യത്തെയും വ്യോമയാനവകുപ്പ് മേധാവികൾ തമ്മിൽ ജൂലൈ 28ന് നടന്ന വിർച്വൽ യോഗത്തിലാണ് താൽക്കാലിക വിമാന സർവിസ് സംബന്ധിച്ച് ധാരണയായത് തന്നെ.