കുറഞ്ഞ നിരക്കിൽ ഗൾഫിലേക്ക് പറക്കാൻ പ്രവാസികൾക്ക് അവസരം ഒരുക്കുകയാണ് ഗള്‍ഫ്​ എയര്‍. ഇന്ത്യയില്‍നിന്നുള്ള ടിക്കറ്റ്​ നിരക്കുകൾ കുറച്ചതായുള്ള അറിയിപ്പ് തങ്ങളുടെ വെബ്‌സൈറ്റ് വഴി അറിയിക്കുകയുണ്ടായി. കോഴിക്കോട്​ നിന്ന്​ 174 ദിനാറിനും കൊച്ചിയില്‍നിന്ന്​ 172 ദിനാറിനും ഇപ്പോള്‍ ടിക്കറ്റ്​ ലഭിക്കുന്നതാണ്​. എയര്‍ ബബ്​ള്‍ കരാർ പ്രകാരമുള്ള വിമാനങ്ങളിലെ അമിത ടിക്കറ്റ്​ നിരക്ക്​ യാത്രക്കാര്‍ക്ക്​ തിരിച്ചടിയായ സാഹചര്യത്തിലാണ് അതികൃതർ ഇത്തരത്തിൽ തീരുമാനം കൈകൊണ്ടിരിക്കുന്നത്. ഒരു ഘട്ടത്തില്‍ ഗള്‍ഫ്​ എയര്‍ നിരക്ക്​ 400 ദിനാറിന്​ മുകളിൽ എത്തിയിരുന്നു. സമീപ ദിവസങ്ങളില്‍ കോഴി​ക്കോട്​ നിന്ന്​ 252 ദിനാറും കൊച്ചിയില്‍നിന്ന്​ 248 ദിനാറുമാണ്​ ഇൗടാക്കി വന്നത്​. ഇതാണ്​ ഇപ്പോള്‍ വീണ്ടുംകുത്തനെ കുറഞ്ഞത്​. ഇന്ത്യയിലെ മറ്റു​ നഗരങ്ങളില്‍നിന്നുള്ള നിരക്കും കുറയ്ക്കുകയുണ്ടായി​.

അതേസമയം എമിറേറ്റ്​സ്​ ഇന്ത്യയില്‍നിന്ന്​ ദുബൈ വഴി കുറഞ്ഞ നിരക്കില്‍ യാത്രക്കാരെ കൊണ്ടുവരാന്‍ തുടങ്ങിയതോടെ മറ്റു വിമാനക്കമ്ബനികളും നിരക്ക്​ കുറക്കുമെന്ന പ്രതീക്ഷ യാത്രക്കാര്‍ക്ക് ഉണ്ടായിരുന്നു. എന്നാൽ ദുബൈ വിസ എടുക്കാതെ തന്നെ എമിറേറ്റ്​സ്​ വിമാനത്തില്‍ വരാന്‍ കഴിയും. 96 മണിക്കൂറിനുള്ളില്‍ നടത്തിയ കോവിഡ്​ പി.സി.ആര്‍ ടെസ്​റ്റ്​ നെഗറ്റിവ്​ ഫലം കരുതണമെന്ന വ്യവസ്​ഥ മാത്രമാണ് നല്കിയിട്ടുള്ളത്​. എമിറേറ്റ്​സിന്​ പിന്നാലെ ​ൈഫ്ല ദുബൈയും ദുബൈ വഴി ബഹ്​റൈനിലേക്ക്​ സര്‍വിസ്​ ആരംഭിച്ചെങ്കിലും ദുബൈ വിസ വേണമെന്ന നിബന്ധന യാത്രക്കാര്‍ക്ക്​ പ്രയാസം സൃഷ്​ടിക്കുന്നതായി വ്യക്തമാക്കുകയുണ്ടായി.

അതോടൊപ്പം തന്നെ കോവിഡ്​ ​പ്രതിസന്ധിയെത്തുടര്‍ന്ന്​ നാട്ടിലേക്കു​പോയ പ്രവാസികളില്‍ ഒ​േട്ടറെ പേര്‍ ഇനിയും തിരിച്ചെത്താനുണ്ട്​. അമിത ടിക്കറ്റ്​ നിരക്ക്​ നല്‍കിയാണ്​ പലരും മടങ്ങിയെത്തിയത്​. വിമാന ടിക്കറ്റ്​ നിരക്ക്​ കുറക്കണമെന്നാവശ്യപ്പെട്ട്​ വിവിധ സംഘടനകളും രംഗത്തെത്തുകയായിരുന്നു. ഈ സാഹചര്യത്തിലാണ് ആശ്വാസവാർത്തയുമായി ഗൾഫ് എയർ എത്തുന്നത്.