കുത്തേറ്റ് ആലപ്പുഴ തൃക്കുന്നപ്പുഴ സ്വദേശി അജിത് അശോകൻ (31) മരിച്ചതായി റിപ്പോർട്ട് . ഇതുമായി ബന്ധപ്പെട്ട് കാസർകോട് സ്വദേശി അറസ്റ്റിലായതായി ദുബായ് പോലീസ് അറിയിക്കുകയുണ്ടായി. സൂപ്പർമാർക്കറ്റ് ശ്രംഖലയായ ബാക്കർ മൊഹിബിയുടെ സത്വ ശാഖയിൽ ഹൌസ് ഹോൾഡ് ഇൻചാർജാണ് അജിത്. നാലുവർഷം മുൻപാണ് ദുബായിൽ ജോലിയിൽ പ്രവേശിച്ചത്.

അതേസമയം താമസ സ്ഥലമായ ബർദുബായിലാണ് സംഭവം നടന്നതെന്നാണ് വിവരം. അനധികൃത മദ്യവ്യാപാരം നടത്തുന്നയാളുമായി മറ്റൊരു സംഘം നടത്തിയ വാക്കു തർക്കത്തിനിടെ അജിത്തിന് കുത്തേൽക്കുകയായിരുന്നുവെന്ന് പോലീസ് പറയുകയുണ്ടായി. വെളിച്ചമില്ലാതിരുന്ന ഫ്ലാറ്റിലേക്ക് മെഴുകുതിരി വാങ്ങിപ്പോയ അജിത്തിനെ കുത്തുകയായിരുന്നു. രക്തം വാർന്നു കിടന്ന അജിത്തിനെ ഏറെക്കഴിഞ്ഞാണ് മറ്റുള്ളവർ ആശുപത്രിയിലേക്ക് കൊണ്ടുപോയത്. ഭാര്യ: ദൃശ്യ. മകൾ. ഒരു വയസ്സുള്ള ധ്യാൻവി റാം (കനി).