ജോലി ചെയ്യുന്ന അറബി വീട്ടില്‍ ആരുമറിയാതെ കാമുകനെ പാര്‍പ്പിച്ച് പ്രവാസി യുവതി. വീട്ടുകാരുടെ രഹസ്യ ദൃശ്യങ്ങള്‍ മൊബൈലില്‍ പകര്‍ത്തി സുഹൃത്തുക്കള്‍ക്ക് അയച്ചുകൊടുത്ത വീട്ടുവേലക്കാരി ദുബായില്‍ അറസ്റ്റിലായി. 27കാരിയായ ആഫ്രിക്കന്‍ യുവതിയെയാണ് വീട്ടുകാരുടെ പരാതിയെ തുടര്‍ന്ന് പോലീസ് അറസ്റ്റ് ചെയ്തത്. കേസിന്റെ വിചാരണ ദുബായ് ക്രിമിനല്‍ കോടതിയില്‍ നടക്കുകയാണിപ്പോള്‍.

അതേസമയം കഴിഞ്ഞ ആഗസ്തിലായിരുന്നു വീട്ടുവേലക്കാരി തുടര്‍ന്നുവന്ന രഹസ്യ വൃത്തികളെ കുറിച്ച് സ്വദേശികളായ വീട്ടുകാര്‍ക്ക് മനസ്സിലായത്. പെരുമാറ്റത്തില്‍ സംശയം തോന്നിയതിനെ തുടര്‍ന്ന് ഗൃഹനാഥന്‍ വാങ്ങിച്ചു നല്‍കിയ ഫോണ്‍ തിരികെ നല്‍കാന്‍ അദ്ദേഹത്തിന്റെ പത്‌നി ആവശ്യപ്പെട്ടതോടെയാണ് സംഭവത്തിന് തുടക്കം കുറിക്കുന്നത്. ഫോണ്‍ ചോദിച്ചപ്പോള്‍ പരിഭ്രമത്തോടെ പെരുമാറിയ യുവതി ഫോണ്‍ തിരികെ നല്‍കാന്‍ വിസമ്മതിക്കുകയുണ്ടായി. ഫോണ്‍ കാണാതായി എന്നായിരുന്നു യുവതി ഇതിനു പറഞ്ഞ കാരണമായി പറഞ്ഞത്. എന്നാല്‍ വീട്ടുകാര്‍ നടത്തിയ തെരച്ചിലില്‍ യുവതിയുടെ അടിവസ്ത്രത്തിനടിയില്‍ ഒളിപ്പിച്ചുവെച്ച നിലയിൽ ഫോണ്‍ കണ്ടെടുക്കുകയായിരുന്നു.

ഗൃഹനാഥ ഫോണ്‍ ബലമായി പിടിച്ചുവാങ്ങിയതോടെ ഭ്രാന്തിയെ പോലെ പെരുമാറിയ യുവതി അടുക്കളയിലേക്കോടെ വെട്ടുകത്തിയുമായി തിരികെയെത്തുകയായിരുന്നു. ഗൃഹനാഥനെ കൊന്ന ശേഷം താനും മരുക്കുമെന്ന് യുവതി ഭീഷണി മുഴക്കുകയും ചെയ്തു. തുടര്‍ന്ന് വീട്ടുകാര്‍ പോലീസില്‍ വിവരം അറിയിച്ചതിനെ തുടര്‍ന്ന് അവരെത്തി യുവതിയെ അറസ്റ്റ് ചെയ്ത് കൊണ്ടുപോവുകയായിരുന്നു. പിന്നീട് നടത്തിയ പരിശോധനയിലാണ് യുവതി കുറേക്കാലമായി രഹസ്യമായി ചെയ്തുകൊണ്ടിരുന്ന കാര്യങ്ങളെ കുറിച്ച് വീട്ടുകാര്‍ മനസ്സിലാക്കുന്നത്.

ഫോണിന്റെ ഗാലറിയില്‍ നിന്ന് രഹസ്യ കാമുകനൊപ്പം വീട്ടിനകത്തു വെച്ച് പകര്‍ത്തിയ നിരവധി ദൃശ്യങ്ങള്‍ ലഭിച്ചു. അതോടൊപ്പം ഗൃഹനാഥനും ഗൃഹനാഥയും അവരുടെ മക്കളും ഉറങ്ങിക്കിടക്കുമ്പോള്‍ പകര്‍ത്തിയ സ്വകാര്യ ദൃശ്യങ്ങളും ഫോണിലുണ്ടായിരുന്നു. ഇവ തന്റെ സുഹൃത്തുക്കള്‍ക്ക് വാട്ട്‌സാപ്പ് വഴി അയച്ചുകൊടുത്തിരുന്നതായും യുവതി സമ്മതിച്ചു. ഇക്കാര്യങ്ങള്‍ അറിഞ്ഞപ്പോഴാണ് ഫോണ്‍ തിരികെ ചോദിച്ചപ്പോഴും അത് കണ്ടെത്തി പിടിച്ചു വാങ്ങിയപ്പോഴും യുവതി സമനില തെറ്റിയതു പോലെ പെരുമാറിയതിന്റെ യഥാര്‍ഥ കാരണമെന്തായിരുന്നുവെന്ന് വീട്ടുകാര്‍ക്ക് മനസ്സിലാക്കാനായത്.