'നിങ്ങള്‍ ചെയ്യുന്നത് ഇഷ്ടത്തോടെയാണെങ്കില്‍ എത്ര വലിയ സ്വപ്‌നവും യാഥാര്‍ഥ്യമാകുമെന്നാണ് എന്റെ വിശ്വാസം' എന്ന് പറഞ്ഞുകൊണ്ട് ഉയരങ്ങൾ കീഴടക്കി ലോകത്തിന് തന്നെ മാതൃകയായ യുഎഇയുടെ സ്വന്തം 'ജെറ്റ്മാന്‍' എന്നറിയപ്പെടുന്ന വിന്‍സെന്റ് റെഫെറ്റ്(36) സാഹസിക പറക്കല്‍ പരിശീലനത്തിനിടെ ദാരുണമായി കൊല്ലപ്പെട്ടു. ദുബായ് എക്‌സ്‌പോ 2020ന്റെ ഭാഗമായുള്ള മിഷന്‍ ഹ്യൂമന്‍ ഫ്ലൈറ്റിനുവേണ്ടി ദുബായിലെ മരുഭൂമിയില്‍ നടത്തിയ പരിശീലനത്തിനിടെയാണ് ഫ്രഞ്ചുകാരനായ റെഫെറ്റ് അപകടത്തില്‍ പെട്ടത് എന്നാണ് ഖലീജ് ടൈംസ് റിപ്പോർട്ട് ചെയ്തിരിക്കുന്നത്. ജെറ്റ്മാന്‍ ദുബായ് അധികൃതരാണ് മരണ വിവരം ഔദ്യോഗികമായി പുറത്തുവിട്ടത് തന്നെ.

അതേസമയം ബുര്‍ജ് ഖലീഫക്ക് മുകളില്‍ നിന്നും ബേസ് ജംപ് നടത്തി ലോക റെക്കോഡ് നേടിയ ആളാണ് റെഫെറ്റ്. അങ്ങനെ ലോകത്തെ ഏറ്റവും ഉയരമുള്ള ബുര്‍ജ് ഖലീഫക്ക് 828 മീറ്ററാണ്(2716 അടി) ഉയരം. സ്‌കൈ ഡൈവറെന്ന നിലയില്‍ നിരവധി നേട്ടങ്ങള്‍ സ്വന്തമാക്കിയിട്ടുള്ള റെഫെറ്റിന്റെ സ്‌പോണ്‍സര്‍ റെഡ് ബുള്ളായിരുന്നു. മാത്രമല്ല അദ്ദേഹത്തിന്റെ മാതാപിതാക്കളും സ്‌കൈ ഡൈവര്‍മാരായിരുന്നു.

സ്വിസ് സാഹസികനായ ഈവ്‌സ് റോസി സ്ഥാപിച്ച ജെറ്റ്മാന്‍ ദുബായുമായി റെഫെറ്റ് സഹകരിച്ചുവരികയായിരുന്നു. പ്രത്യേകം നിര്‍മിച്ച ചിറകുകളും നാല് എൻജിനുകളുമായി പറക്കുന്ന 'ജെറ്റ്മാന്‍' സാഹസികരാണ് ജെറ്റ്മാന്‍ ദുബായ്ക്ക് വേണ്ടി നിലവിൽ പ്രകടനം നടത്തുന്നത്. സ്വയം നിയന്ത്രിച്ചുകൊണ്ട് ഏതാണ്ട് 50 കിലോമീറ്റര്‍ ദൂരം വരെ ഈ ജെറ്റ്മാന്മാര്‍ക്ക് പറക്കാന്‍ കഴിയുന്നതാണ്. പരമാവധി വേഗത മണിക്കൂറില്‍ 400 കിലോമീറ്ററാണ്. 6100 മീറ്റര്‍(20000 അടി) ഉയരത്തില്‍ വരെ പറക്കാനും ഇവര്‍ക്ക് സാധിക്കുന്നതാണ്.