കോവിഡ് തടസ്സമല്ല; 2021 ഗംഭീരമാക്കാന് ബുര്ജ് ഖലീഫ
പുതുവര്ഷമെന്നത് പ്രതീക്ഷയുടെയും പ്രത്യാശയുടെയും കാത്തിരിപ്പാണ്. വീണ്ടുമൊരു പുതുവര്ഷത്തെ ആഘോഷപൂര്വ്വം വരവേല്ക്കാന് കാത്തിരിക്കുന്നവരാണ് നമ്മളെല്ലാവരും. ആഘോഷങ്ങളും സന്തോഷവുമായി ആര്ത്തുല്ലസിച്ച് പുതുവര്ഷത്തെ സ്വീകരിക്കുവാന് ഇത്തവണ കഴിയുമോ എന്ന സംശയിത്തിലും, കഴിഞ്ഞു പോയ വര്ഷങ്ങളിലെ പോലെ ആഘോഷിക്കുവാന് കഴിയില്ലല്ലോ എന്ന നിരാശയിലുമൊക്കെയാണ് ഓരോരുത്തരും. എല്ലായിടത്തും പുതുവര്ഷം ആഘോഷിക്കാറുണ്ടെങ്കിലും ദുബൈയിലെ ബുര്ജ് ഖലീഫയിലെ ആഘോഷം തന്നെയാണ് ആഘോഷം. കണ്ണഞ്ചിപ്പിക്കുന്ന ആ വെടികെട്ടും ലൈറ്റ് ആന്ഡ് ലേസര് ഷോയും കാണാന് കഴിയില്ലല്ലോ എന്ന് വിഷമിച്ചിരുന്നവര്ക്കെല്ലാം സന്തോഷ വാര്ത്തയുമായി എത്തിയിരിക്കുകയാണ് ബുര്ജ് ഖലീഫ ഡെവലപ്പര് എമാര്.
കോവിഡ് ഒരു പ്രതിസന്ധിയായി നിലനില്ക്കുന്നുണ്ടെങ്കിലും കഴിഞ്ഞ വര്ഷത്തേക്കാള് ഗംഭീരമായി ഈ വര്ഷത്തെ പുതുവര്ഷം ആഘോഷിക്കുമെന്നാണ് എമാര് വ്യക്തമാക്കിയിരിക്കുന്നത്. സന്ദര്ശകരുടെയും പൊതുജനങ്ങളുടെയും ആരോഗ്യവും സുരക്ഷയും ഉറപ്പുവരുത്തി മാത്രമേ ആഘോഷം സംഘടിപ്പിക്കൂ എന്നും ദുബായ് സര്ക്കാര് പുറത്തിറക്കിയ കോവിഡ് മാനദണ്ഡങ്ങള് പാലിക്കുമെന്നും എമാര് വ്യക്തമാക്കി. കവാടങ്ങളില് തെര്മല് കാമറകള്, സാമൂഹിക അകലം, സമ്പര്ക്ക രഹിത പേമെന്റുകള്, ആണുവിമുക്തമാക്കല് എന്ന് തുടങ്ങി എല്ലാ സുരക്ഷാ മാനദണ്ഡങ്ങളും പാലിക്കുമെന്നും എമാര് പറയുന്നു. ബുര്ജ് ഖലീഫയില് നടക്കുന്ന പുതുവത്സര ആഘോഷരാവ് ആഗോളതലത്തില് പ്രാദേശിക സമയം രാത്രി 8.30 മുതല് mydubainewyear.com സൈറ്റില് തത്സമയം സംപ്രേഷണം ചെയ്യും.
''ലോകോത്തര അനുഭവങ്ങള് കൈമാറുന്നത് എമാറിന്റെ ഡി.എന്.എയുടെ ഭാഗമാണ്. ഈ വര്ഷം അതിലും വലിയ ഗാല ഇവന്റാണ് ഞങ്ങള് സമ്മാനിക്കുന്നത്. ലോകം വെല്ലുവിളികളെ അഭിമുഖീകരിക്കുകയാണ്. എങ്കിലും ഞങ്ങള് ഐക്യത്തിലാണ് പ്രതീക്ഷയുടെയും സന്തോഷത്തിന്റെയും പ്രത്യാശനിര്ഭരമായൊരു ഒരു സന്ദേശം നല്കാന് ആഗ്രഹിക്കുന്നത്''എന്ന് എമാറിന്റെ സ്ഥാപകനായ മുഹമ്മദ് അലബ്ബര് പറഞ്ഞു. ആഘോഷങ്ങള്ക്കായി ബുക്കിങ് തുടങ്ങിയതായും ഭക്ഷണ, പാനീയ ഔട്ട്ലെറ്റുകള് സന്ദര്ശിക്കാനും പുതുവത്സരാഘോഷ പരിപാടികള് കാണുവാനും ബുര്ജ് പാര്ക്ക് കുടുംബങ്ങളെ ക്ഷണിക്കുന്നതായി എമാര് ഗ്രൂപ്പ് അറിയിച്ചിട്ടുണ്ട്.
https://www.facebook.com/Malayalivartha
