കുവൈറ്റില് പഞ്ച് ചെയ്ത സിവില് ഐ.ഡി.കാര്ഡുകള് ഉപയോഗിക്കുന്നത് ഇങ്ങനെ; പ്രവാസികള്ക്ക് പ്രത്യേക നിര്ദേശവുമായി സര്ക്കാര് രംഗത്ത്
കുവൈറ്റില് പഞ്ച് ചെയ്ത സിവില് ഐ.ഡി.കാര്ഡുകള് ഉപയോഗിക്കുന്ന പ്രവാസികള്ക്ക് പ്രത്യേക നിര്ദേശവുമായി സര്ക്കാര് രംഗത്ത് എത്തിയിരിക്കുകയാണ്. പഞ്ച് ചെയ്ത സിവില് ഐ.ഡി. കാര്ഡുകള് അസാധുവും ഉപയോഗ യോഗ്യമല്ലാത്തതുമായിരിക്കുമെന്ന് മുനിസിപ്പല് സിവില് സര്വീസ് ബ്യൂറോ ആഭ്യന്തര മന്ത്രാലയത്തിനെ അറിയിക്കുകയുണ്ടായി. എന്നാൽ ഈ കാര്ഡുകളുമായി കുവൈറ്റിന് പുറത്ത് കഴിയുന്നവര്ക്ക് ഇനി ഈ കാര്ഡ് ഉപയോഗിച്ച് കുവൈത്തിലേക്ക് മടങ്ങിവരാന് സാധിക്കില്ല.
അതേസമയം പ്രവാസികള്ക്ക് എട്ടിന്റെ പണി നൽകി കുവൈറ്റ്. കുവൈറ്റില് ഒന്നര ലക്ഷത്തോളം പ്രവാസികളുടെ താമസരേഖ റദ്ദായതായി റിപ്പോർട്ട്. കൊവിഡ് പ്രതിസന്ധിയെ തുടര്ന്ന് 1,47,000 വിദേശികളുടെ താമസരേഖ ഇതിനോടകം റദ്ദായതായി ആഭ്യന്തര മന്ത്രാലയ വൃത്തങ്ങള് അറിയിച്ചു. ഇതേതുടര്ന്ന്, അനധികൃത താമസക്കാര്ക്ക് അടുത്ത മാസം ഒന്നു മുതല് അനുവദിച്ചിരിക്കുന്ന ഭാഗിക പൊതുമാപ്പ് ഉപയോഗപ്പെടുത്താന് സാധിക്കുന്നതാണ്. ഇതിനായുള്ള നടപടിക്രമങ്ങള് അതാത് ഗവര്ണ്ണറേറ്റുകളില് ആരംഭിച്ചു കഴിഞ്ഞു.
https://www.facebook.com/Malayalivartha
