ഖത്തറില്‍ കോവിഡ്-19 പോസിറ്റീവുകാരുടെ എണ്ണത്തില്‍ ഗണ്യമായ കുറവ് രേഖപ്പെടുത്തുകയുണ്ടായി. കഴിഞ്ഞ 24 മണിക്കൂറിനിടെ വൈറസ് സ്ഥിരീകരിച്ചത് വിദേശങ്ങളില്‍ നിന്നെത്തിയ 35 പേരുള്‍പ്പെടെ 174 പേര്‍ക്ക്. സുഖം പ്രാപിച്ചവരുടെ പട്ടികയിലേക്ക് 186 പേര്‍ കൂടിയിട്ടുണ്ട്.

അതേസമയം പുതിയ കോവിഡ്-19 മരണങ്ങളില്ലാതെ അഞ്ചു ദിനങ്ങളാണ് രാജ്യം പിന്നിട്ടിരിക്കുന്നത്. നിലവില്‍ 2,727 പേരാണ് ചികിത്സയിലുള്ളത് തന്നെ. സുഖം പ്രാപിച്ചവരുടെ ആകെ എണ്ണം 1,34,100 എത്തിയിരിക്കുകയാണ്. എന്നാൽ 8,106 പേരെ കൂടി പരിശോധിച്ചതോടെ ആകെ പരിശോധനയ്ക്ക് വിധേയമാക്കിയവരുടെ എണ്ണം 10,75,890 ആയി ഉയർന്നു. ഇവരില്‍ 1,37, 062 പേര്‍ക്കാണ് കോവിഡ് നിലവിൽ സ്ഥിരീകരിച്ചത്. ആകെ മരണം 235.