ഷാര്‍ജ വ്യവസായ മേഖലയില്‍ വന്‍ തീപിടിത്തം റിപ്പോർട്ട് ചെയ്തു. വ്യവസായ മേഖല ആറിലെ ഓട്ടോ സ്‌പെയര്‍ പാര്‍ട്‌സ് വെയര്‍ഹൗസില്‍ ശനിയാഴ്ച വൈകീട്ട് 4.20ന് വന്‍ തീപിടിത്തമുണ്ടായതായി സിവില്‍ ഡിഫന്‍സ് വിഭാഗമാണ് പറഞ്ഞത്. എന്നാൽ അപകടകാരണം സ്ഥിരീകരിച്ചിട്ടില്ല. ആളപായമില്ലെന്ന് അധികൃതര്‍ വ്യക്തമാക്കുകയുണ്ടായി. വന്‍ നാശനഷ്​ടം കണക്കാക്കുന്നതായി അധികൃതർ വ്യക്തമാക്കി.

അതേസമയം നിരവധി കമ്ബനികള്‍ പ്രവര്‍ത്തിക്കുന്ന പ്രദേശത്ത് തീപിടിച്ച വിവരം അറിഞ്ഞയുടന്‍ സിവില്‍ ഡിഫന്‍സ് രക്ഷക്കെത്തുകയായിരുന്നു. ഏറെ പണിപ്പെട്ടാണ് തീയണച്ചത് തന്നെ. എന്നാൽ അപകട സമയത്ത് ജോലിക്കാര്‍ ഉണ്ടായിരുന്നെങ്കിലും തീ കണ്ടയുടന്‍ സുരക്ഷിത ഇടങ്ങളിലേക്ക് മാറുകയായിരുന്നു. അപകടസ്ഥലത്ത് ഫോറന്‍സിക് വിഭാഗം പരിശോധന നടത്തി. പ്രദേശമാകെ പുകപടലവും രൂക്ഷഗന്ധവും നിറഞ്ഞത് പ്രദേശവാസികളിൽ അസ്വസ്ഥത ഉളവാക്കി.