സൗദി അറേബ്യയില്‍ കൊവിഡ് ബാധിച്ച് കഴിഞ്ഞ 24 മണിക്കൂറിനിടെ 19 മരണം കൂടി റിപ്പോർട്ട് ചെയ്തു. 224 പേര്‍ക്കാണ് കൊവിഡ് സ്ഥിരീകരിച്ചത്. 489 പേര്‍ കൊവിഡ് മുക്തി നേടി. ആകെ കൊവിഡ് കേസുകളുടെ എണ്ണം 355258 ആയതായി ആരോഗ്യമന്ത്രാലയം വ്യക്തമാക്കി. രോഗമുക്തരുടെ ആകെ എണ്ണം 343371 ആയി ഉയരുകയുണ്ടായി.19 മരണം കൂടി റിപ്പോർട്ട് ചെയ്തതോടെ ആകെ മരണസംഖ്യ 5780 ആയി ഉയർന്നു.

രോഗബാധിതരായി രാജ്യത്തെ വിവിധ ആശുപത്രികളിലും വീടുകളിലും ക്വാറന്റീനില്‍ കഴിയുന്നവരുെട എണ്ണം 6107 ആയി കുറയുകയുണ്ടായി. ഇതില്‍ 785 പേര്‍ മാത്രമാണ് നിലവിൽ ഗുരുതരാവസ്ഥയിലുള്ളത്. രാജ്യത്തെ കൊവിഡ് മുക്തി നിരക്ക് 96.6 ശതമാനമാണ്. മരണനിരക്ക് 1.6 ശതമാനമായി തന്നെ തുടരുന്നു. 24 മണിക്കൂറിനിടെ രാജ്യത്ത് പുതിയ കൊവിഡ് കേസുകള്‍ ഏറ്റവും കൂടുതല്‍ റിപ്പോര്‍ട്ട് ചെയ്തത് റിയാദിലാണ് (51). യാംബു (21), മക്ക (19), മദീന (17), ബുറൈദ (9), ഉനൈസ (8), ജിദ്ദ (8), അല്‍ഖര്‍ജ് (7), ഖുറയാത് അല്‍ഊല (6), നജ്‌റാന്‍ (6), യദമഅ (5), ദമ്മാം (4), ദിലം (4), മജ്മഅ (4) എന്നിങ്ങനെയാണ് പ്രധാന നഗരങ്ങളില്‍ പുതുതായി രേഖപ്പെടുത്തിയ കൊവിഡ് രോഗികളുടെ കണക്ക്.