ദുബായിൽ ഡ്രൈവിംഗ് ലൈസെൻസ് ലഭിക്കണമെങ്കിൽ കടക്കാൻ കടമ്പകൾ ഏറെയാണ്. ഒറ്റത്തവണ അപേക്ഷിക്കാൻ നൽകേണ്ടത് ലക്ഷങ്ങൾ. മാത്രമല്ല ഒരു ചെറിയ പാളിച്ചമൂലം നൽകിയ പണം നഷ്ടമായേക്കും എന്നതും പ്രവാസികളെ ഇതിൽ നിന്നും പിന്തിരിപ്പിക്കുന്നു. ഇത്തരത്തിൽ നിരവധി പ്രവാസികൾക്കാണ് ഇത്തരത്തിൽ ലക്ഷങ്ങൾ നഷ്ടമായത്. പ്രവാസികളാണ് നാടിൻറെ വളർച്ചയുടെ നെടുംതൂൺ എന്ന് വിശേഷിപ്പിച്ച ആ ഭരണാധികാരിയുടെ മണ്ണ് സാധാരണക്കാരായ പ്രവാസികളെ കണ്ടില്ല എന്ന് നടിക്കുമോ..?

എന്നാലിതാ കുറഞ്ഞ വരുമാനക്കാര്‍ക്ക് സൗജന്യമായി ഡ്രൈവിങ് ലൈസന്‍സ് അനുവദിക്കാന്‍ ദുബൈ റോഡ് ട്രാന്‍സ്‍പോര്‍ട്ട് അതോരിറ്റിയുടെ പ്രത്യേക പദ്ധതി തയ്യാറാക്കി. ബൈ റോഡ് ട്രാന്‍സ്പോര്‍ട്ട് അതോറിറ്റിയുടെ ചാരിറ്റി പ്രവര്‍ത്തനങ്ങളുടെ ഭാഗമായി സൗജന്യമായി ഡ്രൈവിങ്​ ലൈസന്‍സ് സ്വന്തമാക്കാനാണ് അവസരമൊരുക്കുന്നത്. കുറഞ്ഞ വരുമാനക്കാരായ 25ഓളം പേര്‍ക്കാണ് തീര്‍ത്തും സൗജന്യമായി ഡ്രൈവിങ്​ ലൈസന്‍സ് അനുവദിക്കാനുള്ള പദ്ധതിയാണ് ലക്ഷ്യംവയ്ക്കുന്നത്. എമിറേറ്റ്സ് ഡ്രൈവിങ്​ ഇന്‍സ്​റ്റിറ്റ്യൂട്ടും ബൈത്ത് അല്‍ ഖൈര്‍ സൊസൈറ്റിയുമായി സഹകരിച്ചാണ് പദ്ധതി ചെയ്തിട്ടുള്ളത്.

അതോടൊപ്പം തന്നെ എല്ലാ രാജ്യങ്ങളിൽ നിന്നുള്ളവർക്കും കരാർ പ്രകാരം സൗജന്യ ലൈസൻസ് ലഭ്യമാക്കുക എന്നതാണ് പദ്ധതി കൊണ്ട് ഉദ്ദേശിക്കുന്നത്. നിശ്ചിത വരുമാനത്തിലുള്ള വ്യക്തികൾക്ക് സൗജന്യമായി ഡ്രൈവിംഗ് ലൈസൻസുകൾ അനുവദിക്കണമെന്നാണ് കരാർ ആവശ്യപ്പെടുന്നതെന്നാണ് ഖലീജ് ടൈംസ് റിപ്പോർട്ട് ചെയ്യുന്നത്.