പ്രവാസികൾക്ക് പറക്കാം; നിയന്ത്രണങ്ങളില് നേരിയ ഇളവ് നൽകി കുവൈറ്റ്, ഗാര്ഹിക തൊഴിലാളികള്ക്ക് കുവൈറ്റിലേക്ക് മടങ്ങി വരാന് അവസരം
ഏറെ നാളായി കുവൈറ്റിലേക്ക് യാത്ര തിരിക്കാൻ കാത്തിരിക്കുന്ന പ്രവാസികൾക്ക് ആശ്വാസ വാർത്ത. കുവൈറ്റില് നിലവിലുള്ള പ്രവേശന വിലക്കിലുള്ള നിയന്ത്രണങ്ങളില് നേരിയ ഇളവ് നൽകുകയാണ് അധികൃതർ. ഗാര്ഹിക തൊഴിലാളികള്ക്ക് കുവൈറ്റിലേക്ക് മടങ്ങി വരാന് അവസരം ഒരുങ്ങുകയാണ്. എണ്പതിനായിരത്തോളം ഗാര്ഹിക തൊഴിലാളികളെ തേടിയാണ് ആശ്വാസ വാര്ത്ത എത്തുന്നത് തന്നെ. ഇതിനായുള്ള കാബിനറ്റ് അംഗീകാരം നല്കി കഴിഞ്ഞു. ഡിസംബര് 10 മുതല് വിലക്കേർപ്പെടുത്തിയിട്ടുള്ള ചില രാജ്യങ്ങളില് നിന്നും ഗാര്ഹിക തൊഴിലാളികളെ കൊണ്ടുവരുന്നതിന് മന്ത്രിസഭാ തീരുമാനം അനുസരിച്ച് ആരോഗ്യ നിര്ദേശങ്ങളും തുടര് നടപടി ക്രമങ്ങളും പൂര്ത്തിയാക്കുന്നതിനും ആരോഗ്യമന്ത്രി നിര്ദേശിക്കുകയുണ്ടായി.
അതേസമയം കുവൈറ്റിലേക്ക് 34 രാജ്യക്കാര്ക്കാണ് നേരിട്ട് വരുന്നതിനുള്ള പ്രവേശന വിലക്ക് ഏർപ്പെടുത്തിയിട്ടുള്ളത്. ഇതില് ഇന്ത്യ, ശ്രീലങ്ക, നേപ്പാള്, ബംഗ്ലാദേശ്, ഫിലിപ്പീന്സ് എന്നീ രാജ്യങ്ങളില് നിന്നുള്ള ഗാര്ഹിക തൊഴിലാളികള്ക്കാണ് പ്രാഥമിക ഘട്ടത്തില് വരാന് നിലവിൽ അനുമതി നല്കിയത്. ഇതിന്റെ ഭാഗമായി ഒരു ഡിജിറ്റല് പ്ലാറ്റ്ഫോം ഒരുക്കാനാണ് അധികൃതർ നിലവിൽ ശ്രമിക്കുന്നത്. വിവിധ രാജ്യങ്ങളില് നിന്നും വരുന്ന ഗാര്ഹിക തൊഴിലാളികളുടെ സ്പോണ്സര്മാര് ഇതില് രജിസ്റ്റര് ചെയ്യേണ്ടതായുണ്ട്.
കുവൈറ്റിലേക്ക് അഞ്ച് രാജ്യങ്ങളില് നിന്നുള്ള ഗാര്ഹിക തൊഴിലാളികള് വരുന്നതിന്റെ ഭാഗമായി ടിക്കറ്റ് നിരക്കില് അമിതമായി വര്ധനവ് പാടില്ലെന്ന് അധികൃതര് വിമാനക്കമ്പനികള്ക്ക് കര്ശന നിര്ദേശം നല്കി. ഡിസംബര് 10 മുതല് വിവിധ രാജ്യങ്ങളില് നിന്നും ഗാര്ഹിക തൊഴിലാളികള് വരുന്നതിന്റെ ഭാഗമായി മന്ത്രിസഭാ തീരുമാനം അനുസരിച്ച്, ആരോഗ്യ നിര്ദേശങ്ങളും തുടര് നടപടി ക്രമങ്ങളും പൂര്ത്തിയാക്കുന്നതിനും ആരോഗ്യമന്ത്രി നിര്ദേശം നൽകിയിട്ടുണ്ട്.
https://www.facebook.com/Malayalivartha