ജോ ​ബൈ​ഡ​ന്‍ അ​മേ​രി​ക്ക​ന്‍ പ്ര​സി​ഡ​ന്‍​റാ​യി അ​ധി​കാ​ര​മേ​ല്‍​ക്കു​ന്ന​തി​ന് മു​ന്നോ​ടി​യായി സൗദിയിലേക്ക് പറന്നെത്തി യുഎസ് സ്റ്റേറ്റ് സെക്രട്ടറി മൈക്ക് പോംപിയോ. ഇപ്പോൾ അന്താരാഷ്ട്ര മാധ്യമങ്ങൾചർച്ച ചെയ്യുന്ന ഈ കൂടിക്കാഴ്ചയ്ക്ക് പിന്നിൽ പല കാരണങ്ങൾ ഉണ്ടെന്നാണ് നിഗനം. ജോ ​ബൈ​ഡ​ന്‍ പു​തി​യ കാ​ബി​ന​റ്റ്​ രൂ​പ​വ​ത്​​ക​രി​ക്കു​ന്ന​തി​ന്​ അ​ടു​ത്ത​യാ​ഴ്​​ച ന​ട​പ​ടി​ക​ളാ​രം​ഭി​ക്കാ​നി​രി​ക്കെ​യാ​ണ്​ ഇ​തി​നു മു​ന്നോ​ടി​യാ​യി പ​ശ്ചി​മേ​ഷ്യ​യി​ല്‍ ന​ട​ത്തു​ന്ന സ​ന്ദ​ര്‍​ശ​ന​ത്തി​െന്‍റ ഭാ​ഗ​മാ​യി മൈ​ക്​ പോം​പി​യോ സൗ​ദി​യി​ലെ​ത്തി​യ​ത്.

മൈക്ക് പോംപിയോ ഞായറാഴ്ച സൗദിയില്‍ വെച്ച് കിരീടാവകാശി മുഹമ്മദ് ബിന്‍ സല്‍മാനുമായി നടത്തിയ ഈ കൂടിക്കാഴ്ചയില്‍ ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹു രഹസ്യമായി പങ്കെടുത്തുവെന്ന റിപ്പോര്‍ട്ട് നിഷേധിച്ചുകൊണ്ട് രംഗത്ത് എത്തിയിരിക്കുകയാണ് സൗദി ഭരണകൂടം. യുഎസ് വിദേശകാര്യ സെക്രട്ടറിമായി നടന്ന ചര്‍ച്ചയില്‍ സൗദി, യുഎസ് പ്രതിനിധികള്‍ മാത്രമേ ഉണ്ടായിരുന്നുള്ളൂ എന്നും ഇസ്രായേല്‍ പ്രതിനിധികളാരും തന്നെ പങ്കെടുത്തില്ലെന്നുമാണ് സൗദി വ്യക്തമാക്കുന്നത്. നെതന്യാഹു പങ്കെടുത്തതായുള്ള വാര്‍ത്തകള്‍ സൗദി വിദേശാര്യമന്ത്രി പ്രിന്‍സ് ഫൈസല്‍ ബിന്‍ ഫര്‍ഹാൻ ട്വിറ്ററിലൂടെയാണ് നിഷേധിച്ചത്. ഇതുമായി ബന്ധപ്പെട്ട വാര്‍ത്തകള്‍ ശ്രദ്ധയില്‍പ്പെട്ടുവെന്നും അത്തരമൊരു കൂടിക്കാഴ്ച നടന്നിട്ടില്ലെന്നും അദ്ദേഹം വ്യക്തമാക്കി.