കൊറോണ വ്യാപനത്തിന് പിന്നാലെ കടുത്ത പ്രതിസന്ധിയിലാണ് ഗൾഫ് രാഷ്ട്രങ്ങൾ. ആയതിനാൽ തന്നെ നേരിയ ഇളവുകൾ നൽകി പ്രവാസികളെ തിരിച്ചുവിളിക്കുകയാണ്. കൊറോണ വ്യാപനത്തെ തുടർന്നുള്ള പ്രതിസന്ധിയിൽ നിന്നും കരകയറാൻ ലോകം പ്രതീക്ഷയോടെ കാത്തിരിക്കുന്ന കോവിഡ് വാക്‌സിന്റെ ഫലപ്രാപ്തിയിൽ വിജയം കൈകൊണ്ടുവെന്ന വാർത്തകൾ കഴിഞ്ഞ ദിവസങ്ങളിൽ പുറത്ത് . ഇതിനുപിന്നാലെ ഗൾഫ് രാഷ്ട്രങ്ങൾ തങ്ങളുടെ പൗരന്മാർക്കെന്നപോലെ പ്രവാസികൾക്കും സൗജന്യമായി തന്നെ വാക്‌സിൻ നല്കാൻ തയ്യാറാക്കുകയാണ്.

മറ്റെല്ലാ ഗൾഫ് രാഷ്ട്രങ്ങൾക്ക് പിന്നാലെ സൗദിയിൽ പ്രവാസികളുൾപ്പെടെ എല്ലാ താമസക്കാർക്കും കോവിഡ് പ്രതിരോധ വാക്സീൻ സൗജന്യമായി നൽകുമെന്ന് ആരോഗ്യ മന്ത്രാലയ അസി. അണ്ടർ സെക്രട്ടറി ഡോ. അബ്ദുല്ല അസീരി വ്യക്തമാക്കി. സൗദി പൊതുജനാരോഗ്യ സംരക്ഷണത്തിന്റെ ഭാഗമായാണ് വാക്സീൻ സൗജന്യമായി നൽകുന്നത്. അതിനാൽ അവയുടെ സാമ്പത്തിക ബാധ്യത ജനങ്ങളിൽ അടിച്ചേൽപ്പിക്കാൻ കഴിയില്ലെന്നും അദ്ദേഹം വ്യക്തമാക്കി.