കൊവിഡ് വാക്സിന് എത്തിക്കഴിഞ്ഞാല് എല്ലാ പൗരന്മാര്ക്കും സൗജന്യം; സമൂഹത്തിലെ ഒന്നിലധികം വിഭാഗങ്ങള്ക്ക് വാക്സിന് ആദ്യ ഘട്ടത്തില് നല്കാന് ആരോഗ്യ മന്ത്രാലയം, നിർണായക നീക്കവുമായി കുവൈറ്റ്
കൊറോണ വ്യാപനത്തിന്റെ നാളുകൾ പിന്നിട്ട ഗൾഫ് രാഷ്ട്രങ്ങളിൽ നിന്നും പ്രതീക്ഷയുടെ വാർത്തകളാണ് പുറത്തേക്ക് വരുന്നത്. കടുത്ത നിയന്ത്രണങ്ങൾ തുടരുന്ന കുവൈറ്റില് കൊവിഡ് വാക്സിന് എത്തിക്കഴിഞ്ഞാല് എല്ലാ പൗരന്മാര്ക്കും സൗജന്യമായി നല്കുമെന്ന് റിപ്പോര്ട്ട്. സ്വദേശികള്ക്കും വിദേശികള്ക്കും കോവിഡ് വാക്സിന് നല്കുന്നതായിരിക്കും. സമൂഹത്തിലെ ഒന്നിലധികം വിഭാഗങ്ങള്ക്ക് വാക്സിന് ആദ്യ ഘട്ടത്തില് നല്കാന് ആരോഗ്യ മന്ത്രാലയം പറയുകയുണ്ടായി. എന്നാല്, ഇതെല്ലാം വാക്സിന് എത്തുന്നത് അനുസരിച്ചിരിക്കും പ്രാബല്യത്തിൽ വരിക.
വിട്ടുമാറാത്ത രോഗമുള്ളവര്, പ്രായമായവര്, മുന്നിര തൊഴിലാളികള് എന്നിവര്ക്കാണ് ആദ്യം കൊവിഡ് വാക്സിന് നല്കുന്നത് എന്ന് അധികൃതർ വ്യക്തമാക്കി. ആരോഗ്യ പ്രവര്ത്തകര്, ഗുരുതര രോഗങ്ങളുള്ളവര്, ഭിന്നശേഷിക്കാര് എന്നിവരെയും സർക്കാർ മുന്ഗണന പട്ടികയില് ഉള്പ്പെടുത്തുകയുണ്ടായി. എന്നാല്, കുട്ടികള്ക്ക് വാക്സിന് നല്കില്ല. വാക്സിന് സ്വീകരിക്കാന് ആരോഗ്യ പ്രവര്ത്തകരെയടക്കം ആരെയും നിര്ബന്ധിക്കില്ലെന്ന് അധികൃതര് അറിയിച്ചു.
https://www.facebook.com/Malayalivartha
