സൗദിയിൽ ഓണ്‍ലൈന്‍ ക്ലാസിനിടെ അധ്യാപകൻ കുഴഞ്ഞ് വീണ് മരിച്ചു; ക്യാമറക്ക് മുന്നില്‍ മുപ്പത് കാരനായ അധ്യാപകന്റെ മരണവെപ്രാളം കണ്ട വിദ്യാര്‍ത്ഥികള്‍ നിസഹായരായി, ഞെട്ടൽ മാറാതെ വിദ്യാർത്ഥികൾ
ഓണ്‍ലൈന്‍ ക്ലാസിനിടെ അധ്യാപകന്റെ മരണം നേരിട്ട് കണ്ട് ഞെട്ടൽ മാറാതെ വിദ്യാര്‍ത്ഥികള്‍. സൗദിയിലാണ് ഏവരെയും നടുക്കിയ ഈ സംഭവം. കിഴക്കന്‍ സൗദിയിലെ ഒരു സ്കൂള്‍ കമ്പ്യൂട്ടർ സയന്‍സ് അധ്യാപകനായ മുഹമ്മദ്‌ ഹസന്‍ എന്ന ഈജിപ്ത് പൗരനാണ് ഓണ്‍ലൈന്‍ ക്ലാസിനിടെ വിദ്യാര്‍ത്ഥികള്‍ക് മുന്നില്‍ കുഴഞ്ഞുവീണ് മരണപ്പെട്ടത്. സ്വന്തം വീടുകളില്‍ ക്യാമറക്ക് മുന്നില്‍ മുപ്പത് കാരനായ അധ്യാപകന്റെ വെപ്രാളം കണ്ട വിദ്യാര്‍ത്ഥികള്‍ നിസഹായരായി നിൽക്കുകയായിരുന്നു.
സൗദി സര്‍ക്കാരിന്റെ ഓണ്‍ലൈന്‍ സ്കൂള്‍ പഠന പ്ലാറ്റ്ഫോം ആയ 'മദ്റസത്തി' ആപ്പിലൂടെ ഔദ്യോഗിക ക്ലാസ് നടത്തുന്നതിനിടെയാണ് അധ്യാപകനെ മരണം തേടിയെത്തിയത്. ഒടുവില്‍ വിദ്യാര്‍ത്ഥികള്‍ വിവരമറിച്ചതിനെ തുടര്‍ന്ന് സഹ അധ്യാപകര്‍ അദ്ദേഹത്തിന്റെ വീട്ടില്‍ എത്തിയെങ്കിലും അധ്യാപകന്റെ ജീവന്‍ രക്ഷിക്കാൻ കഴിഞ്ഞില്ല.അഞ്ചു വര്‍ഷം മുമ്പ് സൗദിയിലെത്തി വിദ്യാഭ്യാസ പുരോഗതിക്കായി കഠിനാധ്വാനത്തോടെയും ഉത്സാഹത്തോടെയും അര്‍പ്പണബോധത്തോടെയും പ്രവര്‍ത്തിച്ച അധ്യാപകന്റെ മരണത്തിന്റെ ഞെട്ടലില്‍ നിന്നും വിദ്യാര്‍ത്ഥികളും രക്ഷിതാക്കളും ഇതുവരെ മുക്തരായിട്ടില്ല.
https://www.facebook.com/Malayalivartha
