സൗദിയിലേക്ക് വിമാന സർവീസ് ഉടൻ; പ്രവാസികൾക്ക് പ്രതീക്ഷ നൽകി സൗദിയിലെ ഇന്ത്യന് അംബാസിഡര്, താമസിയാതെ സന്തോഷവാര്ത്ത നല്കാനാകുമെന്ന് അംബാസിഡര്
പ്രവാസികൾക്ക് പ്രതീക്ഷ നൽകുന്ന വാർത്തയുമായി ഇന്ത്യ. കൊറോണ വ്യാപനത്തെ തുടർന്ന് നിർത്തിവച്ച വിമാനസർവീസ് ഉടൻ. ഇന്ത്യയില് നിന്ന് സൗദിയിലേക്കുള്ള വിമാന സര്വീസ് താമസിയാതെ പുനരാരംഭിക്കുമെന്ന് സൗദിയിലെ ഇന്ത്യന് അംബാസിഡര് വ്യക്തമാക്കി. റിയാദിലെ ഇന്ത്യന് എംബസിയില് സംഘടിപ്പിച്ച ഭരണഘടനാദിന പരിപാടിയില് സംസാരിക്കവെയാണ് അദ്ദേഹം ഇപ്രകാരം പറഞ്ഞത്. സൗദിയിലെ പ്രവാസി ഇന്ത്യക്കാര്ക്ക് പ്രതീക്ഷ നല്കുന്ന വിവരം താമസിയാതെ നല്കാനാകുമെന്ന് ഇന്ത്യന് അംബാസഡര് ഡോ. ഔസാഫ് സഈദ് വെളിപ്പെടുത്തി.
ഇന്ത്യയില് നിന്ന് സൗദി അറേബ്യയിലേക്ക് വിമാന സര്വീസ് താമസിയാതെ പുനരാരംഭിക്കും. ഇതിനായുള്ള ചര്ച്ചകള് നടന്നുവരികയാണ്. താമസിയാതെ സന്തോഷവാര്ത്ത നല്കാനാകുമെന്നും അദ്ദേഹം കൂട്ടിച്ചേര്ത്തു. ആരോഗ്യ വകുപ്പ് സഹമന്ത്രി, സിവില് ഏവിയേഷന് അധികൃതര്, വിദേശകാര്യമന്ത്രാലയ ഉദ്യോഗസ്ഥര് തുടങ്ങിയവരുമായാണ് ഇതുസംബന്ധമായ ചര്ച്ച നടത്തിയിരുന്നത്. മാത്രമല്ല എയര് ബബ്ള് കരാറിന് ശ്രമങ്ങള് തുടരുകയാണ്.
വിമാന സര്വീസില്ലാത്തിനാല് തന്നെ സൗദിയിലേക്ക് തിരിച്ചെത്താനാകാത്ത ഇന്ത്യക്കാരുടെ പ്രശ്നങ്ങള് സൗദി അധികൃതരുടെ ശ്രദ്ധയില് കൊണ്ടുവരികയുണ്ടായി. ചര്ച്ചയുടെ ഫലമായി ഇന്ത്യയില് നിന്നുള്ള ആരോഗ്യപ്രവര്ത്തകര്ക്ക് സൗദിയിലെത്താൻ സാധിച്ചു. നിശ്ചിത ദിവസത്തെ ക്വാറന്റീന് കൂടാതെയാണ് ഇവരെ സൗദിയിലേക്ക് എത്തിക്കുന്നത്. അടുത്ത ഘട്ടത്തില് സാധാരണ ജോലിക്കാര്ക്കും സൗദിയിലെത്താനാകുമെന്നാണ് പ്രതീക്ഷിക്കുന്നതെന്നും അംബാസിഡര് വ്യക്തമാക്കുകയുണ്ടായി.
https://www.facebook.com/Malayalivartha
