ഗൾഫ് രാഷ്ട്രങ്ങളിൽ തൊഴിൽ അവസരം; കൊറോണ വ്യാപനം നൽകിയ പ്രതിസന്ധി പിന്നിട്ട് ഗൾഫ് രാഷ്ട്രങ്ങൾ സജീവമാകുന്നു, ഡെലിവറി, ഓപറേഷന്സ് മേഖലകളിൽ കൂടുതല് തൊഴിലവസരങ്ങള് നൽകി ആമസോൺ
കൊറോണ വ്യാപനം നൽകിയ പ്രതിസന്ധി പിന്നിട്ട് ഗൾഫ് രാഷ്ട്രങ്ങൾ സജീവമാകുകയാണ്. സൗദി അറേബ്യ, യുഎഇ തുടങ്ങിയ മിഡിലീസ്റ്റ് രാജ്യങ്ങളില് ജീവനക്കാരുടെ എണ്ണം അടുത്തിടെയായി 30 ശതമാനം വര്ധിപ്പിച്ചതായി ഇ-കൊമേഴ്സ് സ്ഥാപനമായ ആമസോണ് അധികൃതർ വ്യക്തമാക്കുകയുണ്ടായി. യുഎഇയില് മാത്രം 2000 പേരെയാണ് കമ്പനി പുതുതായി റിക്രൂട്ട് ചെയ്തതിട്ടുള്ളത്. വിവിധ മേഖലകളിലായി കൂടുതല് ജീവനക്കാരെ ആവശ്യമുണ്ടെന്നും റിക്രൂട്ടിംഗ് നടപടികളുമായി മുന്നോട്ടുപോവുകയാണെന്നും കമ്പനിയുടെ മിഡിലീസ്റ്റ് ഓപ്പറേഷന്സ് ഡയറക്ടര് പ്രശാന്ത് സരണ് വ്യക്തമാക്കി. താല്പര്യമുള്ളവര് കമ്പനി വെബ്സൈറ്റ് വഴി അപേക്ഷിക്കണമെന്നും അദ്ദേഹം അറിയിച്ചു.
ഇകൊമേഴ്സിന്റെ വിവിധ മേഖലകളില് ജോലി ചെയ്യുന്നതിനായി എല്ലാ വിഭാഗം ആളുകള്ക്കുമുള്ള തൊഴിലുകള് ആമസോണില് ലഭ്യമാക്കിയിട്ടുണ്ട്. മേഖയിലെ ജനങ്ങള്ക്ക് മികച്ച സേവനം ലഭ്യമാക്കുകയെന്ന ലക്ഷ്യത്തോടെയാണ് കൂടുതല് ജീവനക്കാരെ നിയോഗിക്കുന്നതെന്നും അദ്ദേഹം വ്യക്തമാക്കുകയുണ്ടായി. മേഖലയില് ആമസോണിന്റെ സ്റ്റോറേജ് ശേഷി 45 ശതമാനമാക്കി വര്ധിപ്പിക്കുകയുണ്ടായി. മാത്രമല്ല യുഎഇയില് പുതിയ ഡെലിവറി സ്റ്റേഷന് ആരംഭിച്ചുകഴിഞ്ഞു. തേഡ് പാര്ട്ടി പങ്കാളികളുടേതുള്പ്പെടെ 2.4 ദശലക്ഷം ഘന അടി സ്റ്റോറേജ് ശേഷി നിലവില് യുഎഇയില് ആമസോണിനുണ്ട് എന്നാണ് അധികൃതർ വ്യക്തമാക്കുന്നത്.
അതേസമയം കൊവിഡ് വ്യാപനത്തിന്റെ പശ്ചാത്തലത്തില് മേഖലയിലെ കൂടുതല് ആളുകള് ഇകൊമേഴ്സിനെയാണ് ആശ്രയിച്ചു വരുന്നത്. അതുകൊണ്ടുതന്നെ ആമസോണിന് വ്യാപാരം ശക്തിപ്പെടുത്താന് സാധിച്ചിട്ടുമുണ്ട്. ഉപഭോക്താക്കളുടെ താല്പര്യം വര്ധിക്കുന്നതിനനുസരിച്ച് മികച്ച വേഗത്തിലും കൃത്യതയിലും സേവനങ്ങള് ലഭ്യമാക്കാന് കൂടുതല് ജീവനക്കാരെ ആവശ്യമുള്ളതിനാലാണ് കൂടുതൽപേരെ ജോലിക്കായി അന്വേഷിക്കുന്നത്. ഡെലിവറി, ഓപറേഷന്സ് മേഖലകളിലാണ് കൂടുതല് തൊഴിലവസരങ്ങള് ഉള്ളതെന്നും അദ്ദേഹം അറിയിച്ചു.
https://www.facebook.com/Malayalivartha