ചൊവ്വാഴ്ച മുതല് ഒരു മാസത്തെ അവസരം നൽകി കുവൈറ്റ്; 2020 ജനുവരി ഒന്നിനോ അതിന് മുമ്പോ ഇഖാമ കാലാവധി കഴിഞ്ഞവര്ക്ക് പിഴയടച്ച് വിസസ്റ്റാറ്റസ് നിയമവിധേയമാക്കാന് ചൊവ്വാഴ്ച മുതല് ഒരു മാസത്തെ അവസരം
കുവൈത്തില് 2020 ജനുവരി ഒന്നിനോ അതിന് മുമ്പോ ഇഖാമ കാലാവധി കഴിഞ്ഞവര്ക്ക് പിഴയടച്ച് വിസസ്റ്റാറ്റസ് നിയമവിധേയമാക്കാന് ചൊവ്വാഴ്ച മുതല് ഒരു മാസത്തെ അവസരം നൽകുകയാണ് സർക്കാർ. ഡിസംബര് ഒന്നുമുതല് 31 വരെ കാലയളവില് ഇത്തരക്കാര് ഇതിനായി താമസകാര്യ വകുപ്പിന് അപേക്ഷ നല്കാൻ സാധിക്കും.
2020 ജനുവരി ഒന്നിന് മുമ്പ് ഇഖാമ കാലാവധി കഴിഞ്ഞവര്ക്ക് പുതുക്കാന് കഴിയില്ലെന്ന് ആഭ്യന്തര മന്ത്രാലയം ഉത്തരവ് നൽകിയിരുന്നു. ഇത്തരക്കാര്ക്ക് രാജ്യം വിടുകയല്ലാതെ മറ്റു വഴിയില്ലെന്ന അവസ്ഥയാണ് നിലവിൽ ഒഴിവായിരിക്കുന്നത്. ഡിസംബറില് നല്കുന്ന പ്രത്യേക അവസരം ഉപയോഗപ്പെടുത്തിയില്ലെങ്കില് പിന്നീട് പിഴയടച്ചാലും വിസ സ്റ്റാറ്റസ് മാറ്റാന് കഴിയാത്ത സ്ഥിതി വരുന്നതാണ്. പിന്നീട് പിടിക്കപ്പെട്ടാല് ഇവരെ നാടുകടത്തുമെന്ന് ആഭ്യന്തര മന്ത്രാലയത്തിന് കീഴിലുള്ള താമസകാര്യ വകുപ്പ് മുന്നറിയിപ്പ് നൽകി.
പിഴയടച്ച് വിസ സ്റ്റാറ്റസ് നിയമവിധേയമാക്കാന് കുവൈത്ത് ആഭ്യന്തര മന്ത്രാലയം ഡിസംബറില് പ്രത്യേക അവസരം ഒരുക്കുന്ന സാഹചര്യത്തില് ഇന്ത്യന് എംബസിയില് നവംബര് 26 വ്യാഴാഴ്ച മുതല് പ്രത്യേക കൗണ്ടര് പ്രവാസികൾക്കായി തുറന്നിട്ടുണ്ട്.പിഴയടച്ച് നാട്ടില് പോവാന് ഉദ്ദേശിക്കുന്നവര്ക്ക് എംബസി കൗണ്ടറിലൂടെ എമര്ജന്സി സര്ട്ടിഫിക്കറ്റ് നല്കുന്നതാണ്.നിലവില് കാലാവധി കഴിഞ്ഞ എമര്ജന്സി സര്ട്ടിഫിക്കറ്റ് കൈവശമുള്ളവര് പുതിയ അപേക്ഷ നല്കേണ്ട ആവശ്യമില്ല. ഇവര് ഇന്ത്യന് എംബസിയില് എമര്ജന്സി സര്ട്ടിഫിക്കറ്റുമായി നേരിട്ട് എത്തി ഒപ്പ് സാക്ഷ്യപ്പെടുത്തിയാല് പുതിയ എമര്ജന്സി സര്ട്ടിഫിക്കറ്റ് ലഭ്യമാക്കുന്നതാണ്.പാസ്പോര്ട്ട് കൈവശമില്ലത്തവര് താമസ രേഖ ശരിയാക്കി രാജ്യത്ത് തുടരാന് ആഗ്രഹിക്കുന്നുണ്ടെങ്കില് ഇത്തരക്കാര്ക്ക് പുതിയ പാസ്പോര്ട്ട് നല്കുന്നതാണ്.
അതോടൊപ്പം തന്നെ പിഴയടച്ച ഇഖാമ നിയമവിധേയമാക്കാന് ഡിസംബറില് പ്രത്യേക അനുമതി നല്കുന്നത്തിന്റെ ഭാഗമായി ഒരു ദിവസം പരമാവധി 2400 പേര്ക്കാണ് അവസരം നൽകുന്നത്. ഓരോ ഗവര്ണറേറ്റിലും 400 പേര് വീതം എന്ന നിലയിലാണ് അനുമതി നല്കുന്നത്. കോവിഡ് പശ്ചാത്തലത്തില് തിരക്ക് ഒഴിവാക്കാനാണ് ഇത്തരത്തിൽ അപ്പോയിന്റ്മെന്റ് സംവിധാനം നടപ്പാക്കുന്നത്. 1,30,000 അനധികൃത താമസക്കാര് നിലവിൽ രാജ്യത്തുണ്ട് എന്നാണ് കണക്കുകൾ വ്യക്തമാക്കുന്നത്. ഇതില് 40,000 പേര് പിഴയടച്ച് ഇഖാമ നിയമവിധേയമാക്കും എന്നാണ് അധികൃതർ പ്രതീക്ഷിക്കുന്നത്. 2020 ജനുവരി ഒന്നിന് മുമ്പ് ഇഖാമ കാലാവധി കഴിഞ്ഞവര്ക്ക് മാത്രമാണ് ഈ അവസരം പ്രയോജനപ്പെടുത്താൻ സാധിക്കുക. ആഭ്യന്തര മന്ത്രാലയത്തിന്റെ വെബ്സൈറ്റ് വഴി അപ്പോയിന്റ്മെന്റ് എടുത്താൽ മാത്രമേ താമസകാര്യ വകുപ്പ് ഓഫിസില് എത്താൻ സാധിക്കുകയുള്ളു.
https://www.facebook.com/Malayalivartha