യുഎഇയുടെ ദേശീയദിനാഘോഷത്തില് ഇത്തവണയും മലയാളിത്തിളക്കം; ലോകത്തിലെ മുന്നിര രാജ്യങ്ങളിലൊന്നായി മാറിയ യുഎഇയ്ക്ക് ആശംസകള് അറിയിച്ച് പ്രവാസി മലയാളി, എസ്യുവി കാറായ റോള്സ് റോയിസിലൂടെ ആശംസകള് അറിയിച്ച് കോഴിക്കോടുകാരൻ
യുഎഇയുടെ നാല്പത്തി ഒന്പതാം ദേശീയദിനാഘോഷത്തില് പങ്കുചേരുകയാണ് സ്വദേശികളും വിദേശികളും. എന്നാൽ ഇത്തവണയും ഒളിമങ്ങാതെ മലയാളിത്തിളക്കം. കോവിഡിനെ അതിജീവിച്ച യുഎഇയ്ക്ക് സ്വന്തം കാറില് ലോക ഭാഷകളില് ആശംസകള് കുറിച്ചുകൊണ്ട് കോഴിക്കോട് സ്വദേശി ഷഫീഖ് അബ്ദുല് റഹ്മാന് താരമായി മാറിയിരിക്കുകയാണ്. പ്രതിരോധ മുന്നേറ്റങ്ങളില് ലോകത്തിലെ മുന്നിര രാജ്യങ്ങളിലൊന്നായി മാറിയ യുഎഇയ്ക്ക് ആശംസകള് അറിയിച്ചുകൊണ്ടുള്ള ആശയങ്ങളാണ് ഷഫീഖ് തന്റെ കാറിന് പുറത്ത് അവിഷ്കരിച്ചത്..
എസ്യുവി കാറായ റോള്സ് റോയിസാണ് സംരഭകനായ ഷഫീഖ് അബ്ദുല് റഹ്മാന് ഇത്തരത്തിൽ അലങ്കരിക്കാന് തെരഞ്ഞെടുത്തത്. ദേശീയദിനാഘോഷത്തിന് പ്രവാസി തെരഞ്ഞെടുത്ത മാര്ഗം ദുബൈ പോലീസും അംഗീകരിച്ചു. ഇതേതുടർന്ന് മുറഖബാത്ത് പോലീസ് സ്റ്റേഷനില് നടന്ന ചടങ്ങില് പോലീസ് ഉദ്യോഗസ്ഥര് ഷഫീഖിനെ ഉപഹാരം നല്കി ആദരിക്കുകയുണ്ടായി. 2005-ലാണ് കോഴിക്കോട് സ്വദേശി ഷഫീഖ് ജോലി തേടി യുഎഇ യില് എത്തിയത്. ഒന്നുമില്ലായ്മയില് നിന്ന് മികച്ച ജീവിത സാഹചര്യമൊരുക്കിയ പോറ്റമ്മനാടിനുള്ള സ്നേഹപ്രകടനം കൂടിയാണ് ആഢംബര വാഹനത്തിലൂടെ ഈ യുവാവ് നൽകിയത്.
ഇരുന്നൂറോളം രാജ്യക്കാര് വസിക്കുന്ന നാടായതുകൊണ്ട് തന്നെ വിഭിന്നമായ ഭാഷകളിലാണ് ആശംസകള് എഴുതിയിച്ചേർത്തത്. മുഴുവന് പ്രവാസികളുടേയും മാതൃഭാഷകളെ ഉള്പ്പെടുത്തി ദേശീയദിനാഘോഷവുമായി ബന്ധപ്പെട്ട് വാഹനം അലങ്കരിക്കുന്നത് യുഎഇയില് ഇതാദ്യമാണ് എന്നതും മാറ്റ് കൂട്ടുന്നു.
https://www.facebook.com/Malayalivartha