കോവിഡ് വാക്സീനു വേണ്ടി ബ്രിട്ടനിലേക്കു പോകാനൊരുങ്ങി ഇന്ത്യക്കാർ; ബ്രിട്ടനില് ആരംഭിക്കുന്ന കൂട്ട വാക്സിനേഷനില് പങ്കെടുക്കാനാഗ്രഹിക്കുന്ന ഇന്ത്യക്കാര്ക്കു വേണ്ടി ത്രീ-നൈറ്റ് പാക്കേജ് ഒരുക്കാൻ ട്രാവൽ ഏജന്റുമാർ
ലോകം പ്രതീക്ഷയോടെ കാത്തിരിക്കുന്ന കോവിഡ് വാക്സീനു വേണ്ടി ബ്രിട്ടനിലേക്കു പോകാനൊരുങ്ങുകയാണ് ഇന്ത്യക്കാര്. ഫൈസര് വാക്സീന് ബ്രിട്ടിഷ് സര്ക്കാര് അനുമതി നല്കിയതോടെ കുത്തിവയ്പിനായി യുകെയ്ക്ക് പോകുന്നതിനെക്കുറിച്ച് നിരവധി ഇന്ത്യക്കാര് അന്വേഷണം ആരംഭിച്ചുവെന്നാണ് ട്രാവല് ഏജന്റുമാര്. എത്രയും പെട്ടെന്ന് യുകെയ്ക്കു പോകുന്നതിനായുള്ള മാര്ഗങ്ങളാണ് നിലവിൽ ഇന്ത്യക്കാര് അന്വേഷിക്കുന്നത്. അടുത്തയാഴ്ച പൊതുജനങ്ങള്ക്കായി ബ്രിട്ടനില് ആരംഭിക്കുന്ന കൂട്ട വാക്സിനേഷനില് പങ്കെടുക്കാനാഗ്രഹിക്കുന്ന ഇന്ത്യക്കാര്ക്കു വേണ്ടി ത്രീ-നൈറ്റ് പാക്കേജാണ് ഒരു ഏജന്റ് തയാറാക്കുന്നത് എന്നതും ശ്രദ്ധേയമാകുന്നു.
യുഎസ് കമ്പനിയായ ഫൈസറും ജര്മന് കമ്പനിയായ ബയോണ്ടെക്കും ചേര്ന്ന വികസിപ്പിച്ച വാക്സീന്റെ രണ്ടു ഡോസ് വീതം നല്കുന്നതിനാണ് ബ്രിട്ടന് അനുമതി നൽകിയിട്ടുള്ളത്. സ്വതന്ത്ര റെഗുലേറ്ററായ മെഡിസിന്സ് ആന്ഡ് ഹെല്ത്ത്കെയര് പ്രോഡക്ട്സ് റെഗുലേറ്ററി ഏജന്സിയുടെ വിശകലനത്തിന് ശേഷമാണ് ഇവര് അനുമതി നല്കിയത് തന്നെ. കോവിഡ് വാക്സീന് ലഭിക്കുന്നതിന് 'എങ്ങനെ, എപ്പോള്' യുകെയ്ക്ക് പോകാന് സാധിക്കുമെന്ന് ചിലര് അന്വേഷിച്ചതായി മുംബൈയിലെ ട്രാവല് ഏജന്റ് പറയുകയാണ്. എന്നാൽ ഇന്ത്യക്കാര്ക്ക് നിലവിൽ യുകെയില് വാക്സീന് കിട്ടുമോയെന്നു പോലും ഇപ്പോള് പറയാന് സാധിക്കില്ല. എന്തായാലും വയോധികര്ക്കും ആരോഗ്യപ്രവര്ത്തകര്ക്കുമാണ് ആദ്യ ഘട്ടത്തില് വാക്സീന് ലഭ്യമാക്കുന്നത്.
https://www.facebook.com/Malayalivartha
