സൗദിയില്‍ നിന്നും എക്സിറ്റ് റീ എന്‍ട്രി വിസയില്‍ പോയവരുടെ ശ്രദ്ധയ്ക്ക്; നിശ്ചിത സമയത്തിനകം പുതുക്കിയില്ലെങ്കില്‍ യാത്രാ വിലക്കുണ്ടാകുമെന്ന് പാസ്പോര്‍ട്ട് വിഭാഗം, റീ എന്‍ട്രി പുതുക്കാത്തവര്‍ക്ക് മൂന്നു വര്‍ഷത്തേക്ക് യാത്രാ വിലക്ക്
പ്രവാസികളുടെ ശ്രദ്ധയ്ക്ക്, സൗദിയില്‍ നിന്നും എക്സിറ്റ് റീ എന്‍ട്രി വിസയില്‍ പോയവര്‍ നിശ്ചിത സമയത്തിനകം അത് പുതുക്കിയില്ലെങ്കില്‍ യാത്രാ വിലക്കുണ്ടാകുമെന്ന് പാസ്പോര്‍ട്ട് വിഭാഗം അറിയിക്കുകയുണ്ടായി. റീ എന്‍ട്രി പുതുക്കാത്തവര്‍ക്ക് മൂന്നു വര്‍ഷത്തേക്കാണ് യാത്രാ വിലക്ക് ഏര്‍പ്പെടുത്തുന്നത്. എന്നാല്‍ സ്വന്തം സ്പോണ്‍സര്‍ക്ക് കീഴില്‍ മറ്റൊരു വിസയില്‍ വരാനായാല്‍ വിലക്ക് ബാധകമാകില്ല.
അതായത് സൗദിയില്‍ നിന്നും വെക്കേഷന് നാട്ടില്‍ പോകാന്‍ വേണ്ടിയുള്ളതാണ് എക്സിറ്റ്-റീ എന്‍ട്രി വിസ എന്നത്. ഇത് നാട്ടില്‍ പോകുന്ന സമയത്ത് തന്നെ ഒരു വര്‍ഷത്തേക്ക് വരെ ഇഷ്യൂ ചെയ്യാൻ സാധിക്കുന്നതാണ്. കോവിഡ് സാഹചര്യത്തിലും മറ്റും നാട്ടില്‍ പോയ പലരും രണ്ടോ മൂന്നോ മാസത്തേക്കാണ് റീ എന്‍ട്രി എക്സിറ്റ് വിസ എടുക്കാറുള്ളത്. ഈ സമയത്തിനകം പ്രവാസികള്‍ സൗദികള്‍ തിരിച്ചെത്തേണ്ടതാണ്. സാധിക്കാത്തവര്‍ക്ക് റീ എന്‍ട്രി വിസ നീട്ടാനും കഴിയും.
സ്പോണ്സറുടെ സഹായത്തോടെ ഓണ്‍ലൈനായി തന്നെ റീ എന്‍ട്രി വിസ പുതുക്കണം. എന്നാൽ കാലാവധി അവസാനിക്കുന്നതിന് മുന്നോടിയായാണ് പുതുക്കേണ്ടത്. കാലാവധി അവസാനിച്ചാല്‍ പിന്നെ വിസ റദ്ദാകുന്നതായിരിക്കും. ഇതോടെ മൂന്നു വര്‍ഷം യാത്രാ വിലക്ക് വരുന്നതായിരിക്കും. അതേസമയം, പഴയ സ്പോണ്സറുടെ അടുത്തേക്ക് തന്നെ പുതിയ വിസയില്‍ വരാനാണെങ്കില്‍ ഈ വിലക്ക് ബാധകമാകില്ല. വേറെ സ്പോണ്സറുടെ കീഴില്‍ പുതിയ വിസയില്‍ വരുന്നതിനാണ് വിലക്ക് ഏർപ്പെടുത്തിയിട്ടുള്ളത്.
ഇതിനാല്‍ തന്നെ കോവിഡ് പശ്ചാത്തലത്തില്‍ ഏര്‍പ്പെടുത്തിയ വിമാന വിലക്ക് കാരണം നാട്ടില്‍നിന്ന് മടങ്ങാന്‍ കഴിയാത്തവര്‍ യഥാസമയം സ്‌പോണ്‍സറുമായി ബന്ധപ്പെട്ട് റീഎന്‍ട്രി വിസ പുതുക്കേണ്ടതാണ്. കാലാവധി തീരുന്നതിനു മുമ്പ് തന്നെ ഇഖാമയും പുതുക്കിയിരിക്കണം. എന്നാൽ സ്വമേധയാ റീ എന്‍ട്രി നീട്ടിക്കിട്ടുന്ന സാഹചര്യം നിലവിലില്ല.
https://www.facebook.com/Malayalivartha
