വിനോദ സഞ്ചാരികള്‍ക്ക് ആകര്‍ഷകമേകി നഖല്‍
24 MARCH 2014 03:51 AM IST
മലയാളി വാര്‍ത്ത.
സൗത്ത് ബാത്തിന ഗവര്‍ണറേറ്റിലെ നഖല്‍ വിലായത്തിലെ പ്രകൃതി സൗന്ദര്യവും ചരിത്ര സ്മാരകങ്ങളും വിനോദ സഞ്ചാരികള്‍ക്ക് ആകര്‍ഷണം പകരുന്നു. മസ്കത്തില്‍ നിന്ന് 132 കിലോ മീറ്റര്‍ അകലെയുള്ള നഖല്‍ വിലായത്തില്‍ ജല ധാരകളടക്കം നിരവധി കാഴ്ചകളുണ്ട്. ഐന്‍ തവാറാഹ്, വാദി അല്‍ അബിയാദ്, വാദി മിസ്തില്‍ എന്നീ ഗ്രാമങ്ങളാണ് സന്ദര്‍ശകര്‍ക്ക് ഏറെ ആനന്ദം പകരുന്നത്. ചരിത്രം ഉറങ്ങുന്ന നിരവധി കോട്ടകളും ടവറുകളും നഖല്‍ വിലായത്തിലുണ്ട്. അബ്യാദ് ടവര്‍, വാദി മിസ്തില്‍ ടവര്‍, അല്‍ നൂദ് ടവര്‍, ബനീഹദ്റം ടവര്‍ എന്നിവയും ഇതിള്‍ ഉള്‍പ്പെടും. മണ്ണ് കൊണ്ടുള്ള നിരവധി കെട്ടിടങ്ങളുള്ള അല്‍ ഗരീദ് ഗ്രാമം ചരിത്രവും സംസ്കാരവും ഉറങ്ങുന്നതാണ്. അല്‍ ജമീമി, അല്‍ യാരിബ, അല്‍ ജബാരിബ്, അല്‍ അബ്യാദ് എന്നീ ഗ്രാമങ്ങളിലും നിരവധി ചരിത്ര സ്മാരകങ്ങളുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
