ഉംറ തീര്‍ഥാടകരുടെ വര്‍ധന ; ഹറമില്‍ സുരക്ഷ ശക്തമാക്കി
സൗദി അറേബ്യയില്‍ ഉംറ തീര്‍ഥാടകരുടെ എണ്ണത്തിലുണ്ടായ വന്‍ വര്‍ധന കണക്കിലെടുത്ത് ഹറമില്‍ സുരക്ഷ ശക്തമാക്കി. അടിയന്തരസേന, ഹജ്ജ്, ഉംറസേന എന്നിവരുടെ സഹായത്തോടെ ഹറമിനകത്തും പുറത്ത് മുറ്റങ്ങളിലും വഴികളിലും സേവനത്തിന് കൂടുതല്‍ പേരെ നിയോഗിച്ചു. ഹറമിലെ നിര്‍മാണജോലികള്‍ തീര്‍ഥാടകരുടെ സുരക്ഷയെ ബാധിച്ചിട്ടില്ല.
നിര്‍മാണ ജോലികള്‍ മുന്‍കൂട്ടി കണ്ടുകൊണ്ടുള്ള സുരക്ഷാ ക്രമീകരണങ്ങളാണ് ചെയ്തിരിക്കുന്നത്. തിരക്ക് കുറയ്ക്കാന്‍ ജുമുഅത്ത് ഒരുമണിക്കൂര്‍ മുമ്പ് മതാഫിലേക്ക് ആളുകള്‍ പ്രവേശിക്കുന്നതിന് നിയന്ത്രണം ഏര്‍പ്പെടുത്തിയിരിക്കുന്നു. ഉംറ തീര്‍ഥാടകരെ മാത്രമേ മതാഫിലേക്ക് കടത്തിവിടുന്നുള്ളൂ. ഹറമിന്റെ താഴ്ഭാഗത്തും ഒന്നാംനിലയിലും തിരക്ക് കുറയ്ക്കാന്‍ ജുമുഅദിവസം ഏറ്റവും മുകളിലെ നില കുടുംബങ്ങള്‍ക്ക് മാത്രമായി തുറന്നുകൊടുക്കുന്ന കാര്യം ഉടന്‍ നടപ്പാക്കുമെന്ന് ഹജ്ജ് മന്ത്രാലയം വ്യക്തമാക്കി.
https://www.facebook.com/Malayalivartha
