ഇന്റര്‍സിറ്റി ബസ്സകളില്‍ കടലാസ്‌ ടിക്കറ്റിനു പകരം ഇനി നോല്‍ കാര്‍ഡുകള്‍
വിവിധ എമിറേറ്റുകളുമായി ദുബായിയെ ബന്ധപ്പെടുത്തുന്ന ഇന്റര്‍സിറ്റി ബസ്സുകളില്‍ ടിക്കറ്റ്‌ തുക ഈടാക്കുന്നത്‌ ഇനി മുതല്‍ നോല്‍ കാര്‍ഡ്‌ വഴി മാത്രം. അബുദാബിയില്‍ നിന്ന്‌ ദുബായിലേയ്‌ക്കുള്ളവ ഒഴികെയുള്ള മുഴുവന്‍ സര്‍വ്വീസുകള്‍ക്കും പുതിയ നിബന്ധന ബാധകമായിരിക്കും.
അബുദാബിയില്‍ നിന്നുള്ള സര്‍വ്വീസുകളിലും താമസിയാതെ കാര്‍ഡ്‌ നിര്‍ബന്ധമാക്കും. ഇതോടെ കടലാസ്‌ ടിക്കറ്റുകള്‍ പൂര്‍ണ്ണമായും നിര്‍ത്തലാക്കും.
ദുബായില്‍ പൊതു ഗതാഗതരംഗത്ത്‌ അനുഭവപ്പെടുന്ന ദ്രുതഗതിയിലുള്ള വളര്‍ച്ചയാണ്‌ ഇങ്ങനെ കടലാസ്‌ ടിക്കറ്റ്‌ പൂര്‍ണ്ണമായും നിര്‍ത്തലാക്കുന്നതിലേക്ക്‌ നയിച്ചതെന്ന്‌ റോഡ്‌ ട്രാന്‍സ്‌പോര്‍ട്ട്‌ അധികൃതര്‍ വെളിപ്പെടുത്തുന്നു. നിലവില്‍ ദുബായിലെ പൊതുഗതാഗത സര്‍വ്വീസുകള്‍ക്ക്‌ നോല്‍ കാര്‍ഡുകളാണ്‌ ഉപയോഗിക്കുന്നത്‌. ഇവയില്‍ സില്‍വര്‍, ഗോള്‍ഡ്‌, പേഴ്‌സണല്‍ കാര്‍ഡുകള്‍ ഇന്റര്‍സിറ്റി സര്‍വീസുകള്‍ക്ക്‌ ഉപയോഗിക്കാം. എന്നാല്‍ ചുവപ്പ്‌ നിറത്തിലുള്ള താത്‌കാലിക കാര്‍ഡുകള്‍ ഇന്റര്‍സിറ്റി സര്‍വീസുകള്‍ക്ക്‌ ഉപയോഗിക്കാന#്‌# സാധിക്കില്ല.
ദിനംപ്രതി 900 സര്‍വ്വീസുകളാണ്‌ ദുബായില്‍ നിന്ന്‌ 12 റൂട്ടുകളിലേക്കായി സര്‍വ്വീസ്‌ നടത്തുന്നത്‌. ഇതില്‍ ഏഴു റൂട്ടുകളും ഷാര്‍ജ-ദുബായ്‌ എമിറേറ്റുകളെ ബന്ധിപ്പിക്കുന്നതാണ്‌. കടലാസിന്റെ ഉപയോഗം പരമാവധി കുറച്ച്‌ പരിസ്ഥിതി സംരക്ഷണത്തിന്റെ ഭാഗമായാണ്‌ കടലാസ്‌ ടിക്കറ്റുകള്‍ നിര്‍ത്തുന്നതു വഴി ലക്ഷ്യമിടുന്നതെന്ന്‌ ട്രാന്‍സ്‌പോര്‍ട്ടേഷന്‍ സിസ്റ്റംസ്‌ ഡയറക്‌ടര്‍ പറഞ്ഞു
https://www.facebook.com/Malayalivartha
