സൗദിയില്‍ മെര്‍സ് വൈറസ് ബാധ കുറഞ്ഞതായി റിപ്പോര്‍ട്ട്. മെര്‍സ് എമര്‍ജന്‍സി കമ്മിറ്റിയുടെ ആറാമത് മീറ്റിംഗിന് ശേഷം ലോകാരോഗ്യസംഘടനാണ് സൗദിയില്‍ മെര്‍സ് ഭീഷണി കുറഞ്ഞതായി അറിയിച്ചത്. മനുഷ്യനില്‍ നിന്നും മനുഷ്യനിലേക്ക് രോഗം പടര്‍ന്നതായി തെളിവുകളില്ലെന്നും ലോകാരോഗ്യസംഘടന വ്യക്തമാക്കി.

മെര്‍സിനെതിരെ ശക്തമായ ബോധവത്കരണവും പ്രതിരോധപ്രവര്‍ത്തനങ്ങളുമാണ് ഇവിടെ നടന്നത്. മെര്‍സ് കേസുകളുടെ എണ്ണം കുറഞ്ഞിട്ടുണ്ടെങ്കിലും ഹജ്ജ് തീര്‍ത്ഥാടനക്കാലം അടുത്തുവരുന്നത് പ്രമാണിച്ച് മുന്‍കരുതലുകള്‍ തുടരേണ്ടതുണ്ടെന്നും ലോകാരോഗ്യസംഘടന ചൂണ്ടിക്കാട്ടുന്നു. ഇതിനായി തീര്‍ത്ഥാടകര്‍ക്കിടയില്‍ ബോധവത്കരണവും ആരോഗ്യപരിശോധനകളും പ്രതിരോധ പ്രവര്‍ത്തനങ്ങളും നടത്തണമെന്നും നിര്‍ദ്ദേശമുണ്ട്.