സ്മാര്ട്ട് ഫോണ് കുലുക്കിയാല് ടാക്സി മുന്നിലത്തെും
സ്മാര്ട്ട് ഫോണ് കുലുക്കിയാല് ടാക്സി ബുക്ക് ചെയ്യാനാകുന്ന സംവിധാനവുമായി റോഡ്സ് ആന്ഡ് ട്രാന്സ്പോര്ട്ട് ഏജന്സി. ചൊവ്വാഴ്ച ദുബൈയില് നടന്ന ചടങ്ങില് നൂതന സംവിധാനം ആര്.ടി.എ പുറത്തിറക്കി. ദുബൈയെ സ്മാര്ട്ടാക്കി മാറ്റാനുള്ള യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന് റാശിദ് ആല് മക്തൂമിന്െറ പദ്ധതിയനുസരിച്ചാണ് പുതിയ സ്മാര്ട്ട് ഫോണ് ആപ്ളിക്കേഷന് അവതരിപ്പിച്ചതെന്ന് ആര്.ടി.എ ട്രാന്സ്പോര്ട്ടേഷന് സിസ്റ്റംസ് ഡയറക്ടര് ആദില് ശാക്കിരി പറഞ്ഞു.
‘ആര്.ടി.എ സ്മാര്ട്ട് ടാക്സി’ എന്ന ആപ്ളിക്കേഷനിലൂടെയാണ് ബുക്കിങ് സാധ്യമാകുന്നത്. സ്മാര്ട്ട് ഫോണില് ആപ്ളിക്കേഷന് ഇന്സ്റ്റാള് ചെയ്ത ശേഷം ഉപഭോക്താവിന്െറ മൊബൈല് നമ്പര് രജിസ്റ്റര് ചെയ്യണം. ആപ്ളിക്കേഷന് തുറന്ന് സ്മാര്ട്ട് ഫോണ് കുലുക്കിയാല് ഏറ്റവുമടുത്തുള്ള ടാക്സി ഡ്രൈവര്ക്ക് സന്ദേശം പോകും. ഉപഭോക്താവ് നില്ക്കുന്ന സ്ഥലവും സന്ദേശത്തില് രേഖപ്പെടുത്തിയിരിക്കും. ബുക്കിങ് സ്വീകരിച്ചാല് ടാക്സി ഡ്രൈവറുടെ പേരും ഫോണ് നമ്പറുമടങ്ങുന്ന സന്ദേശം ഉപഭോക്താവിന് ലഭിക്കും. നിമിഷങ്ങള്ക്കകം ടാക്സി മുന്നിലത്തെുകയും ചെയ്യും.
ആപ്ളിക്കേഷനിലൂടെ സന്ദേശം അയച്ചും ടാക്സി ബുക്ക് ചെയ്യാം. ബുക്കിങ് വിവരങ്ങള് പരിശോധിക്കാനും ടാക്സിയുടെ നീക്കം നിരീക്ഷിക്കാനും ഏറ്റവും എളുപ്പത്തില് എത്താവുന്ന റൂട്ട് തെരഞ്ഞെടുക്കാനും ആപ്ളിക്കേഷനില് സൗകര്യമുണ്ട്. ടാക്സി സേവനത്തെയും ഡ്രൈവറെയും കുറിച്ച അഭിപ്രായങ്ങള് അറിയിക്കാനും ആപ്ളിക്കേഷന് ഉപയോഗപ്പെടുത്താം. ഉപഭോക്താക്കള്ക്ക് പണവും സമയവും ലാഭിക്കാന് പുതിയ സംവിധാനത്തിലൂടെ കഴിയുമെന്ന് ആര്.ടി.എ പബ്ളിക് ട്രാന്സ്പോര്ട്ട് ഏജന്സി സി.ഇ.ഒ ഡോ. യൂസുഫ് അല് അലി പറഞ്ഞു. ദുബൈയിലെ അഞ്ച് ടാക്സി ഫ്രാഞ്ചൈസിക്ക് കീഴിലെ 8997 ടാക്സികള് ബുക്ക് ചെയ്യാന് ഇതുവഴി സാധിക്കും. ആന്ഡ്രോയിഡ്, ആപ്പിള് സ്റ്റോറുകളില് നിന്ന് ആപ്ളിക്കേഷന് സൗജന്യമായി ഡൗണ്ലോഡ് ചെയ്യാം. ടാക്സികളില് നോല് കാര്ഡ് ഉപയോഗിക്കാനാകുന്ന സംവിധാനം ഉടന് നിലവില് വരുമെന്നും അധികൃതര് അറിയിച്ചു.
https://www.facebook.com/Malayalivartha