കിഴക്കന്‍ പ്രവിശ്യയിലെ അല്‍അഹ്​സ നിരത്തുകളിൽ സീബ്ര ലൈനില്‍ പുതിയ പരീക്ഷണങ്ങൾക്കു പദ്ധതിയിടുന്നു. വിവിധ ലക്ഷ്യങ്ങളോടെയുള്ള ത്രിമാന രീതിയിലുള്ള സീബ്രലൈനുകളാണ്​ മുന്‍സിപ്പാലിറ്റിയുടെ നേതൃത്വത്തില്‍ റോഡുകളിൽ ചെയ്യുവാനുദ്ദേശിക്കുന്നത്.

ചൂട്​, ജലം എന്നിവയെ പ്രതിരോധിക്കാന്‍ ശേഷിയുള്ളതും വെളിച്ചം പ്രതിബിംബിപ്പിക്കുന്നതുമായ സീബ്രലൈനുകളാണ് ഇവയെന്ന് മുന്‍സിപ്പല്‍ കാര്യ മന്ത്രാലയം അറിയിച്ചു. തുടക്കമെന്ന രീതിയിൽ പദ്ധതിയെ " ലോക നിലവാരം " എന്നാണ് മുന്‍സിപ്പല്‍ മന്ത്രാലയം ട്വിറ്ററിലൂടെ വിശേഷിപ്പിച്ചിരിക്കുന്നത്.

ലോകത്തെ പല പ്രധാന നഗരങ്ങളിലും ഇത്തരം റോഡ്​ക്രോസിങ്​ സംവിധാനങ്ങള്‍ പരീക്ഷിച്ചിട്ടുണ്ട്​. എന്നാൽ സൗദിയില്‍ ഇതാദ്യമായാണ്​. പദ്ധതി വിജയകരമെന്ന്​ കണ്ടാല്‍ മറ്റുനഗരങ്ങളിലേക്ക്​ കൂടി ഇത്​ വ്യാപിപ്പിക്കുമെന്നു മന്ത്രാലയം അറിയിച്ചു.