യുഎസ് ഉപദേശക സംഘത്തിലെ രണ്ടുപേരുടെ പേരില് വ്യാജ വെബ്സൈറ്റ്; റഷ്യന് ഹാക്കര്മാരുടെ ഞെട്ടിക്കുന്ന വിവരങ്ങളുമായി മൈക്രോസോഫ്റ്റ്
2016-ലെ യുഎസ് പ്രസിഡന്റ് തിരഞ്ഞെടുപ്പ് പ്രചാരണത്തില് ഹിലരി ക്ലിന്റണിന്റെ ഇ-മെയിലുകള് ഹാക്കര്മാര് ചോര്ത്തിയിരുന്ന സംഭവത്തിൽ അന്വേഷണം തുടരുന്നതിനിടെ ഞെട്ടിക്കുന്ന വെളിപ്പെടുത്തലുകളുമായി മൈക്രോസോഫ്റ്റ് രംഗത്തെത്തിയിരിക്കുകയാണ്.
റഷ്യന് ഹാക്കര്മാര് യുഎസ് ഉപദേശക സംഘത്തെ സ്വാധീനിക്കാന് ശ്രമിച്ചതായാണ് മൈക്രോസോഫ്റ്റ് വെളിപ്പെടുത്തല്. ഹാക്കര്മാര് ഉപദേശകസംഘത്തിലെ രണ്ടുപേരുടെ പേരില് വ്യാജ വെബ്സൈറ്റ് നിര്മ്മിച്ചതായി മൈക്രോസോഫ്റ്റിന്റെ സംഘം കണ്ടെത്തി. ഇതുകൂടാതെ മൂന്നുപേരുടെ വ്യാജ വെബ്സൈറ്റുകള് നിര്മ്മിച്ചതായും പറയുന്നു.
സ്ട്രോണ്ഷ്യം എന്നും ഫാന്സി ബിയര് എന്നും ഹാക്കര്മാരുടെ സംഘത്തെ വിളിക്കുന്നു. ഇവരാണ് ഹിലരി ക്ലിന്റണിന്റെ ഇ-മെയിലുകള് ചോര്ത്തിയത്. ഫാന്സി ബിയറിന് റഷ്യന് ഇന്റലിജന്സ് ഏജന്സിയായ ജിആര്യുവുമായി ബന്ധമുണ്ടെന്ന് തിരഞ്ഞെടുപ്പിലെ റഷ്യന് ഇടപെടല് അന്വേഷിക്കുന്ന പ്രത്യേക കൗണ്സില് പറഞ്ഞു. ഫാന്സി ബിയറുമായി ബന്ധമുണ്ടെന്ന് കണ്ടെത്തിയതിനെ തുടര്ന്ന് 84 വ്യാജ വെബ്സൈറ്റുകള് പൂട്ടിച്ചതായി മൈക്രോസോഫ്റ്റ് പ്രസിഡന്റ് ബ്രാഡ് സ്മിത്ത് അറിയിച്ചു.
https://www.facebook.com/Malayalivartha